Тұқымқуалаушылық: 1-бөлім

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Ата-анадан берілген гендер адамның бүкіл өміріне әсер етеді. Оған сыртқы келбет белгілері мен адамның жеке даралығы жатады.

    Маңызды деректер

    • Адам жұмыртқасы мен шәует жасушаларында 23 жұпталмаған хромосома болады.
    • Жұмыртқа мен шәует жасушалары бір-бірімен қосылып, 23 жұптан тұратын диплоидты жасушалар құрады.
    • Ата-ананың әрбірі генетикалық құрылымның жартысын құрайды және жыныс пен өзге қасиеттерді анықтайды.
    • Жұмыртқа мен шәует жасушаларында, ата-ана аллельдер деп аталатын бірдей ақуыздардың әртүрлі генетикалық кодтау нұсқаларын шығарады.
  • Транскрипт
  • Транскрипт

    Транскриптті жүктеу

    "Көбею үшін сүтқоректілер ата аналарының әрқайсысынан, яғни, әкесінен және анасынан әр геннің бір көшірмесін алуы қажет."

    Аталық ұрық пен аналық жасуша қосылып, жаңа тіршілік иесі дүниеге келген кезде, генетикалық ақпарат жаңа ұрпаққа беріледі.

    Адам болмысына қатыстының барлығы осы бір маңызды сәтте қабылдап алған гендерге байланысты болады.

    Көздің түсінен бастап жеке тұлғалық қасиеттерге дейін.

    Біздің барлық жасушаларымыздағы гендер 23 жұп хромосома болып жұптасып келеді.

    Аналық жасуша мен аталық жасуша гаплоидты жасушаларға жатады. Олардың 23 дара хромосомасы болады.

    Гаплоидты жасушалар – жалғыз хромосомалы болады

    Бұл – бір ата анадан алынған генетикалық ақпараттың жартысы.

    Екі жасуша қосылып, хромосомалары сәйкес келгенде, диплоидты жасуша түзіледі.

    Диплоидты жасушалар – жұп хромосомалы болады

    Ол ата ананың әрқайсысынан алынған генетикалық ақпарат негізінде адамның бар болмысын анықтайды.

    Дүниеге келетін нәрестенің ұл не қыз болуы жыныстық хромосомалардың жұптасуы арқылы анықталады.

    Екі Х (икс) хромосома жұптасса, қыз туылады.

    Аналықтар XX

    Х (икс) пен Y (игрик) аталық хромосомасы біріккенде, ер бала туылады.

    Аталықтар XY

    Барлық аналық жыныс жасушалары Х (икс) хромосомалы болса, аталық жыныс жасушаларының жартысы Х (икс), ал қалғаны Y (игрик) хромосомалы болады.

    X хромосома. Y хромосома

    Сондықтан біздің жынысымызды аналық жасушаны ұрықтандыратын аталық жасуша анықтайды.

    Себебі біз әрбір ата анадан бір хромосомадан аламыз, әрбір жұп бір геннің екі түрлі формасы болып табылады.

    Бірдей ақуыздарды кодтайтын гендердің мұндай нұсқалары "аллельдер" деп аталады.

    Аллель – геннің баламалы формасы

    Көздің түсін анықтайтын генде көгілдір түсті көз үшін бір аллель, қой көзділер үшін басқа аллель болуы мүмкін.

    Адамның қай аллельді алатынын анықтайтын лотерея біздің сыртқы келбетіміз бен жеке тұлғалық қасиеттерімізді анықтап, біздің бүкіл өмірімізге әсер етеді.

  • Ұқсас фильмдер
  • Ұқсас фильмдер