Иттер мен қасқырлар: Табиғат па, әлде тәрбие ме?

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Ерекше тәжірибе үй жағдайында өсірілген қасқырдың жабайы табиғатына не болатынын қарастыруда. Табиғат жеңе ме, әлде тәрбие жеңе ме?

    Маңызды деректер

    • Қасқырлар мен иттердің генетикасы 99,8%-ға ұқсас келеді, бірақ олардың мінез-құлықтарына әсер ететін генетикалық айырмашылықтар ма, әлде қоршаған орта факторлары ма?
    • Венгриялық ғалымдар тобы бөлтірікті үй жағдайында қолда өсіріп, олардың иттерге ұқсас қасиеттерді дамыта алу қабілетін тексерді.
    • Иттерге қарағанда, бөлтіріктер жаттығуға не тәртіпке келмеді.
    • Тәртіпті үй жағдайы бөлтірікке қатты әсер ете қоймады.
  • Транскрипт
  • Транскрипт

    Транскриптті жүктеу

    Біздің қазіргі қалпымызды анықтайтын табиғат па, әлде тәрбие ме? Бұл – тіршілік үшін аса маңызды сауалдың бірі.

    Табиғат генетикалық тұқым қуалаушылықпен анықталады,

    Табиғат – генетикалық тұқым қуалаушылық

    ал тәрбие болса, тәжірибе, оқу сияқты қоршаған орта факторларына тәуелді.

    Тәрбие – қоршаған орта факторлары

    Венгриялық ғалымдар осы мәселені зерттеу үшін қасқырларға тәжірибе жасады.

    Қасқырлар мен иттер бір түрге жатады. Олар будандаса алады және генетикалық жағынан 99,8 пайыз ұқсас.

    Қасқырлар мен иттер 99,8% генетикалық ұқсас

    Ғалымдар үйретілген ортада өскен қасқырда итке ұқсас белгілердің пайда болу не болмауын білгілері келді.

    Генетикалық ұқсас осы екі жануардың мінез-құлқы тәрбиеге ме, әлде табиғатқа тәуелді ме?

    Ғалымдардың әрқайсысына жаңа туылған қасқырдың күшігі беріліп, оны үй күшігіндей өсіру тапсырылған.

    Дәрігер Кубини Энико, Этвёш Лоранд университеті, Венгрия – "Біз күшіктермен жақындасу үшін оларды ерекше баптап күттік. Өздері сондай сүйкімді болғандықтан, өзімізбен бірге алып жүру қиынға соққан жоқ, біз тіпті күшіктермен бірге ұйықтайтынбыз. Осылайша жақсы байланыс орнаттық".

    Бірақ біраз уақыттан кейін жағдай өзгере бастады. Сегіз аптадан кейін ғалымдар күшіктердің бойынан өзгеше мінез байқай бастады.

    Дәрігер Кубини Энико, Этвёш Лоранд университеті, Венгрия – "Иттердің бойында адаммен бір болуға деген ынта болады, ал қасқырларда ол жоқ. Олар өзгеше болды және олар менің істеріме көп қызығушылық білдірмеді."

    Қасқырлар иттер секілді үйретуге көнбейді және адамдармен көз арқылы байланыс жасай алмады. Сонымен қатар, олар өте өзімшіл болып шықты және тәртіпке еш көнбеді. Бөлтіріктер өздерін жабайы табиғатта жүргендей сезінді.

    Олардың мінез құлықтары күннен күнге озбырлана берді, екі айдан кейін қасқырларды үйде ұстау өте қауіпті бола бастады.

    Төрт ай өткеннен кейін қасқырлар қорыққа қайтарылды.

    Осы бір өте ерекше тәжірибе қасқырлардың өсіп-жетілуіне тәрбиенің әсері шамалы екенін, оларды бір ұрпақ ішінде қолға үйретуге болмайтынын дәлелдеп берді.

  • Ұқсас фильмдер
  • Ұқсас фильмдер