Будандастыру және мінез-құлық

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Ерекше Сібірлік төлдету тәжірибесі жабайы түлкілерден агрессивті гендерін алып тастауға тырысқан. Тәжірибе сәтті өтті ме?

    Маңызды деректер

    • 1959 жылы Сібір ғалымдары қарабурыл түлкілерді пайдаланып, екі селекциялық бағдарлама жасап шығарды.
    • Алғашқы өсіру бағдарламасы тек қолға үйретілген даралардың әрбір ұрпағында өсіруге мүмкіндік берді.
    • Екінші өсіру бағдарламасы әрбір ұрпақтағы тек агрессивті дараларды өсіруге қатыстыруға мүмкіндік берді.
    • 50 жылдан кейін ғалымдар үйретілуге жауап беретін гендерді анықтап, селекциялық өсірудің мінез-құлықпен қатар сыртқы келбетке қалай жауап беретінін анықтады.
  • Транскрипт
  • Транскрипт

    Транскриптті жүктеу

    Соңғы 50 жыл бойы ғалымдар будандастыру арқылы мінез құлықты өзгертуге болатындығын анықтаған тәжірибелер жүргізіп келеді.

    1959 жылы орыс ғалымдары қарабурыл түлкілерді будандастыру аясында екі бағдарлама бастаған болатын.

    Бірінші тәжірибе түлкілерді қолға үйретудің қаншалықты мүмкін екенін көрсетуі тиіс еді.

    Ғалымдар ең жуас түлкілерді таңдап алып, оларды будандастырды.

    Әрбір жаңа ұрпақтың ішінен қайта будандастыру үшін тағы да ең жуастарын таңдап отырған.

    Бірнеше ұрпақтан кейін жануарлардың бойындағы агрессия жоғала бастады.

    Дәрігер Людмила Трут, Генетика институты, Сібір – "Үлкен өзгерістер сегізінші буында көрінді. Түлкілер адамдармен жақындасып, оларға үйреніп қалғандығын байқатты. Ең қызығы, енді ғана қозғала бастаған мыршайлар көздерін аша салып, күрсіну, құйрығын бұлғақтату, түрлі дыбыс шығару арқылы адамдардың назарын аударуға тырысты".

    Араға елу жыл салып, бұл қарабурыл түлкілер тобы бұрынғыдан да жуаси түсті.

    Ғалымдар айрықша мінез құлық ерекшелігі бар жануарларды будандастыру арқылы қолға үйрете алды.

    Екінші тәжірибеге тек агрессивті түлкілер алынды. Олар осы озбыр мінез құлқын сақтау үшін әдейі бөлек будандастырылды.

    Бұл ғалымдарға екі түрлі түлкілер тобын салыстыруға мүмкіндік берді. Олар мінез құлық ерекшеліктерінің генде болатындығын анықтады.

    Дәрігер Людмила Трут, Генетика институты, Сібір – "Біз тіпті бір қадам алға басып, агрессивті ұрғашылардың эмбриондарын жуас ұрғашыларға енгіздік. Бірақ нәтижелер сол қалпында қалды. Бұл агрессивтілік генін өзгерту мүмкін еместігін, оның келесі ұрпақтарда да сақталатындығын көрсетті".

    Бүгінде генетиктер жуастыққа жауап беретін бірнеше гендерді анықтаған.

    Дәрігер Анна Кукекова, Корнелль университеті, АҚШ – "Мінез құлық – күрделі құбылыс. Оның жалғыз ғана геннен тұрмайтыны анық. Мінез құлыққа жауап беретін гендер тобы болатындығына күмән жоқ".

    Бұл тамаша тәжірибе ғалымдарға селекцияның тек физикалық белгілерге ғана емес, жануарлардың мінез құлқына да әсер ете алатынын көрсетті.

  • Ұқсас фильмдер
  • Ұқсас фильмдер