Құтқарушы бауырлар

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Өте қауіпті қан ауруымен ауыратын жас бала туралы оқиға. Оның ата-анасы баласының өмірін сақтап қалу үшін тағы бір баласы болғанын қалайды. Оларға рұқсат беру керек пе?

    Маңызды деректер

    • "Құтқарушы аға-әпкелер" – өзінің аға-әпкелерінің өмірін сақтау үшін туылатын балалар.
    • Бар өмірді сақтап қалу үшін жаңа өмірді дүниеге әкелу туралы пікірталастар тоқтамауда.
    • Ұлпалар сәйкестігін қамтамасыз ету үшін, зертханалық жағдайда ұрықтандыру әдісі арқылы эмбриондар алынады, кейін олар ұлпалар сәйкестігіне тексеріледі.
    • Ұлыбританияда ұлпалардың сәйкестігін анықтау үшін тексеруге рұқсат берілмеген.
  • Транскрипт
  • Транскрипт

    Транскриптті жүктеу

    Бұл медицина мен мораль арасындағы қайшылық оқиғасы.

    Бір өмірді сақтау үшін басқасын қолдан жасап, пайдалануға бола ма?

    Чарли өте қатерлі қан ауруына шалдыққан.

    Ол тірі жүру үшін, әр үш апта сайын қанын толықтай ауыстырып тұруы тиіс.

    Чарли бойындағы аурудың ықтимал емі бар. Бірақ көптеген елдерде, соның ішінде, Чарли өмір сүріп жатқан Ұлыбританияда, ол емді қолдану заңға қайшы.

    Дәрігер Мухаммед Таранисси, Бедеулікті емдейтін маман – "Бұл бала – қатты науқас. Ол ауруды емдеп, баланы құтқарудың жолы бар. Бірақ ол емді қолдануға болмайды. Неліктен?"

    Чарлиді сауықтыру үшін оның туған інісі немесе қарындасының сәйкес ұлпасы арқылы сүйек миын трансплантациялау керек.

    Сәйкес ұлпаны анықтау үшін, Чарлидің ата анасы ЭКҰ арқылы жұмыртқа жасушаны аталық ұрықпен жатырдан тыс жасанды ұрықтандыруы қажет.

    Осылайша алынған ұрықтар зерттеліп, ұлпаларының сәйкестігін анықтау үшін Чарлидің ұлпасымен салыстырылады.

    Мұндай зерттеу Ұлыбританияда тек тұқым қуалайтын генетикалық ауруларды тексеру мақсатында ғана қолданылуы мүмкін.

    Сьюзи Лейза, Репродукция және эмбриология бөлімі – "Чарлиге бұл ауру ата-анасынан берілмеген, міне сондықтан да эмбрион биопсиясын жасау науқас Чарлиге пайда әкелсе де, оның іштегі ұрыққа нақты қаупі бар."

    Осылайша, бұл емдеу тәсілі Чарлиге пайдалы бола алса да, әлі туылмаған балаға әкелуі мүмкін зияны үшін оған тиым салынған.

    Яғни, өмірге жаңа бала әкелу үшін емес, ауру адамды құтқару үшін ғана жасалған ұрықтандыру кей елде заңсыз, әрі адамгершілікке қайшы көрінеді.

    Алайда Чарлидің ата анасы мұны әділетті деп санамайды.

    "Біз жаратушымен жарысудан аулақпыз. Біз үшін оның ұл, қыз, аққұба, әлде қоңыр, ұзын, әлде қысқа болатындығы маңызды емес. "

    "Тек дені сау болса болды".

    "Біздің жаман ойымыз жоқ".

    Өз елінде ем алуына мүмкіндігі болмағандықтан, Чарлидің ата анасы ұрықтарын ұлпа сәйкестігіне тексеру үшін АҚШ қа сапар шекті.

    "Үш ұрық сәйкес келді".

    Ұш ұрық сәйкес келді, енді Чарлидің анасы жүкті болады.

    "Кейбіреулер оның тек қосалқы бөлшектер үшін туылған бала болатынын айтады. Мен мұнымен келіспеймін. Ол бала да ата-ана махаббатын сезініп және ағасының өмірін сақтап қалғандығын да біліп өседі".

    Ұлыбританияда туылған Чарлидің інісі құтқарушы бауыр ретінде Чарлиге күрделі емдеусіз-ақ, қалыпты өмір сүруге мүмкіндік берді.

    Пікірталас жалғасуда: медицинаға қажетіне орай жаңа бала тудыру дұрыс па?

  • Ұқсас фильмдер
  • Ұқсас фильмдер