Данышпандар шәуетінің банкі: 2-бөлім

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    1970 жылы Америкада Роберт Грэхэмның Ғұламалар шәует банкі арқылы дүниеге келген сәбилерді көріңіз. Арасында ғұламалар бар ма?

    Маңызды деректер

    • Ұрық таңдауын миллионер Роберт Грэхем енгізген болатын.
    • Оның шәует банкінен туылған балалар орташадан жоғары интеллектуалдылық деңгей көрсетті.
    • Қазір ПГД эмбрионның жынысы мен генетикалық ауруларды анықтайды.
    • Эмбрионмен тәжірибелер жасауға қаншалықты құқығымыз бар екендігі жайлы пікірталастар көп.
  • Транскрипт
  • Транскрипт

    Транскриптті жүктеу

    1970-жылдары американдық миллионер Роберт Кларк Грэм Ұрық таңдау қоймасы – әлемдегі ең алғаш "жобаланған" сәбилердің шәует банкін жасады.

    Ол әлемдегі ең ақылды ер адамдардың шәуетін жинап, сол арқылы данышпан балалар нәсілін қалыптастырғысы келді.

    Бірақ шәует банкі жабылған 1999 жылға дейін туылған 217 баланың ішінде данышпандар болды ма?

    Адриан және Дэвид Рамм– "Кортни 88 жылы, Логан 91 жылдың аяғында туылды. Доктор Грэм оларға тексеру жүргізуді сұрады. Психолог тексеріп, оларды аса қабілетті деп тапты."

    Кортни Рамм – "Мектепте мен басқалардан оқ бойы алда болдым. Мен үшін қиын ештеңе жоқ еді, барлығы оңай болатын."

    Дорон Блейк – "Мен статистикалық тұрғыдан ерекшемін. Көптеген адамдардың IQ ы мында, ал, менңі IQ ым мына жерде. Мен өте жақсы болып шықтым. Менің IQ ым графиктен жоғары және барлығы Роберт Грэм қалағандай болды."

    Бүгінде генетика жетістіктерінің арқасында "жобаланған" сәбилер жасау мүмкіндігі үлкен пікірталас тақырыбына айналды.

    Имплантация алдындағы "генетикалық диагностика" деп аталатын заманауи әдістің көмегімен ұрықтың жынысын және онда тұқым қуалайтын аурудың бар-жоқтығын анықтауға болады.

    Содан кейін ата аналар ұрықты жатырға имплантациялау не оны болдырмау туралы шешім қабылдайды.

    Алайда көп адам болашақ баланың интеллектісі мен шашының түсін таңдап алуды жасанды әрі бұрыс деп есептейді.

    Бұл тәсіл – Грэмнің данышпандар шәует банкіне қарағанда, әлдеқайда жетілген процесс. Бірақ оның ұрық таңдау туралы идеясы "жобаланған" сәби жасап шығару жолындағы жаңашыл бастама еді.

    Бірақ гендер қажетті белгілердің пайда болуына кепілдік бере ме?

    Ұрық таңдау қоймасы арқылы туылған көп балалардың интеллектісі орташадан жоғары екендігі анықталған.

    Басқа алып-қосарымыз бар ма?

    Кортни Рамм – "Менің ойымша, интеллект тек біздің гендерімізге ғана емес, ол өскен ортамызға да байланысты".

    Джесси Гронуолл – "Сіздің ата анаңыз, олардың өмір салты, сізді тәрбиелеуі, сіздің табиғи қабілетіңізден маңыздырақ."

    Дорон Блейк – "Менің есептеуімше, баланың гендеріне немесе хромосомаларына қарай қалай пайда болғаны маңызды емес. Маңыздысы – баланың өсіп-тәрбиелену жолы".

    Адриан және Дэвид Рамм – "Мұнда сәттілік те, бақыт та, карма да бар. Сондай-ақ, бізге қажетті табиғат пен тәрбиенің екеуі де бар".

  • Ұқсас фильмдер
  • Ұқсас фильмдер