Данышпандар шәуетінің банкі: 1-бөлім

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Миллионер Роберт Грэхэм ғұламалардың шәует банкі арқылы "адамзатты сақтау" туралы армандады. 200-ден астам балалар туылды – олар ғұлама бола алды ма?

    Маңызды деректер

    • Миллионер Роберт Грэхем Ұрық таңдау қоймасы – ғұламалар шәуеті банкін жасады.
    • Шәует банкінің алғашқы донорлары Нобель сыйлығының лауреат ғалымдары болды.
    • Грэхем жоғары нәсіл жасауға тырысқаны үшін евгеникада айыпталды.
    • Грэхемның шәует банкі 218 баланы дүниеге әкелді.
  • Транскрипт
  • Транскрипт

    Транскриптті жүктеу

    1970 жылдарда американдық миллионер Роберт Кларк Грэм данышпандар шәуетін пайдалана отырып, адамзатты сақтап қалуды армандады.

    Оның идеясы әлемдегі алғашқы "жобаланған" сәбилердің дүниеге келуіне әкелуі тиіс еді.

    Грэмнің пайымдауынша, ақылы аз немесе өзі атағандай кері кетуші адамдардың шексіз көбейуі салдарынан адамзатқа қауіп төнді.

    Ол әкелері шетінен кемеңгер болатын, мыңдаған данышпандарды дүниеге әкелу арқылы адамзатты құтқарғысы келді.

    Ол үшін Грэм Ұрық таңдау қоймасы – данышпандар шәуетінің банкін жасауға бекінді.

    Грэм әлемдегі ақылды адамдардың шәуетін пайдалана отырып, күйеулері бедеу, IQ ы жоғары, тұрмысқа шыққан әйелдерді ұрықтандыруды жоспарлады.

    Грэм өзінің құпия шәует банкін Калифорнияда, Сан Диегоның маңындағы ранчосының жерасты бункерінде құрды. Алғашқы донор болуға үш ғалым – Нобель сыйлығының лауреаттары келісті.

    Данышпандар шәуетінің банкі 1980 жылы әшкере болды. Грэмге "нәсілшіл" деген айып тағылып, жоғары нәсіл құрмақшы болған Гитлермен салыстырылды.

    Қарсылықтарға қарамастан, көптеген ерлі-зайыптылар ұрық таңдауға қатысып, клиенттер үшін әрбір донордың физикалық және психикалық ерекшеліктері сипатталған донорлар тізімі басып шығарылды.

    Андреа және Том Гронуолл – "Мен данышпандар шәуетінің банкінен данышпан жасай алатынымды айттым!"

    Лиза Зерр – "Данышпан ба, әлде жоқ па, олардың іздегені жақсы адамдар болған. Менің ойымша, олардың данышпандар екендігін білу қосымша бонус болатын".

    1982 жылы шәует банкі алғашқы сәбидің туылуын тойлап, тағы 217 баланы дүниеге әкелуге кірісіп кеткендерін жариялады. Шәует банкі 1999 жылы Грэм қайтыс болғаннан кейін жабылып қалды.

    Ұрық банкі арқылы туылған нәрестелерге не болды екен?

    Олар данышпандар бола алды ма? Грэм мұны білу үшін ұзақ уақыт күту керектігін білгендей-ақ.

  • Ұқсас фильмдер
  • Ұқсас фильмдер