Дің жасушалары

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Дің жасушаларының таңғажайып, бірегей қасиеттерінің анықталуы және олардың ұлпалар регенерациясында пайдаланылуы.

    Маңызды деректер

    • Дің жасушаларының үш түрі бар: эмбриондық, ұрықтық және ересектік.
    • Дің жасушаларының екі маңызды ерекшелігі бар: олар өздерінің көп көшірмесін жасай алады және жоғары маманданған жасушаларға айнала алады.
    • Дің жасушалары жаңа жасушалар жасау үшін маңызды медициналық құрал бола алады.
    • Саламандралар бластема деп аталатын жасушалар тобын қолдана отырып, жарақат алған кезде өздерінің құйрықтарын өсіре алады.
  • Транскрипт
  • Транскрипт

    Транскриптті жүктеу

    Дің жасушалары жасушаның ерекше түріне жатады.

    Олар денедегі басқа жасуша түрлеріне айнала алады.

    Олардың екі негізгі қасиеті бар:

    Олар өздерінің бірнеше көшірмесін жасау үшін бөліне алады.

    Және әртүрлі қызметтер атқаратын арнайы жасушаларға түрленеді.

    Дің жасушаларының үш түрі бар.

    Эмбриондық дің жасушалары

    Эмбриондық дің жасушалары ұрықтанған аналық жасушадан түзілетін жасуша массасында ғана кездеседі.

    Бұлар ұрықтың дамуында маңызды рөл атқарады, бөлінеді және толық қалыптасқан дене жасушаларына айналады.

    Ұрықтық дің жасушалары

    Сегіз аптадан соң, эмбриондық дің жасушаларының көбісі қайтарымсыз түрде арнайы жасуша түрлеріне айналады.

    Ұрықта әлі де бірнеше дің жасушасы болады: олардың түрлену қабілеті эмбриондық түрлерге қарағанда төмен, ал постнаталдық дің жасушаларына қарағанда жоғары болып келеді.

    Ұрықтық дің жасушалары зерттеулерде қолданылмайды.

    Постнаталдық дің жасушалары

    Постнаталдық дің жасушалары ішек, жілік майы және жүрек сияқты ұлпалар мен ағзаларда кездеседі.

    Қажет болғанда олар өлі не зақымданған жасушаларды алмастыра отырып, ішкі қалпына келтіру жүйесі ретінде қызмет етеді.

    Жасушаның қалпына келуі

    Бластема

    Таңғаларлығы, саламандралар "бластема" деп аталатын жасушалар тобын қолдана отырып, жараланған аяқ қолдарын өсіре алады, бұл дің жасушаларының дене мүшелерін қалпына келтіруіне ұқсас.

    Доктор Дэвид Гардинер, Калифорния Университеті, Ирвайн, АҚШ – "24 сағаттан кейін, бұл жасушалар қалпына келе бастайды және де бұл шамамен тек он күннен кейін ғана болады."

    Доктор Дэвид Гардинер, Калифорния Университеті, Ирвайн, АҚШ –"Бұл дің жасушаларына өте қатты ұқсайды. Ол аяқ қолдардың негізгі құрылымын өзгерте алады. Бұл біздің эмбрион болған кездегі дамуымызға ұқсас болады."

    Егер ғалымдар ағзадағы барлық дің жасушаларының мүмкіндіктерін пайдалана алса, онда бұл медицинадағы теңдессіз әдіс болар еді.

    Дің жасушалары жаңа жасушаларды түзуде қолданылуы мүмкін.

    Сүйектер мен шеміршектерді қалпына келтіруде,

    Паркинсон ауруын емдеуде, зақымдалған иммундық жүйені қалпына келтіруде, тіпті жүрек клапандарын ауыстыру үшін қолданылар еді.

  • Ұқсас фильмдер
  • Ұқсас фильмдер