Терапиялық дің жасушалары

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Көруді қалпына келтіру мен жарақаттарды дің жасушасы терапиясы арқылы емдеу мүлдем жаңа әдіс болып табылады. Алайда көбісі оны адамгершілік тұрғыдан дұрыс емес деп санайды.

    Маңызды деректер

    • Дің жасушаларының зақымданған жасушаларды қалпына келтіріп, қайта өсіретін немесе аурумен күресе алатын қабілеті бар.
    • Эмбриондық дің жасушалары ерте жетілген эмбрион жасушаларынан не бедеулікті емдеу кезінде алынады немесе клондалған адам эмбрионынан алынады.
    • Эмбриондық дің жасушаларының терапиясы жүрек ұлпасын қалпына келтіру, қатерлі ісікті емдеу және көруді қалпына келтіру үшін қолданылатындықтан, медицина ғылымында төңкеріс жасауы мүмкін.
    • Эмбриондық дің жасушалары терапиясын қолданумен байланысты этикалық және денсаулыққа қатысты мәселелер бар.
  • Транскрипт
  • Транскрипт

    Транскриптті жүктеу

    Эмбриондық дің жасушалар терапиясы ағза жарақаттанып не ауырғаннан кейін өзін өзі қалпына келтіру қабілетін дереу арттыруна көмектесетін медицина жаңалығы болып табылады.

    Ғалымдар эмбриондық дің жасушаларын ерте жетілген ұрық жасушаларын ала отырып, өсіре алады, әдетте бұл бедеулікті емдеу арқылы жасалады.

    Сондай-ақ, ол клондалған адам ұрығы арқылы алынуы мүмкін.

    Олар бір жасушаны алып, оның ядросын жояды, сосын оны адамның жұмыртқа жасушасына енгізеді.

    Жасуша жасанды жолмен қозып, бөлінеді де ұрық түзеді.

    Дамудың ерте кезеңінде эмбриондық дің жасушалары алынып, зерттеледі.

    Терапиялық қолданыс

    Ғалымдар дің жасушаларының науқастарды емдеуде қалай қолданылатынын зерттеуде.

    Дің жасушалары қайта қалпына келіп, белгілі бір жасуша түрлеріне бейімделе алатындықтан, зақымданған ұлпаны бұрынғы қалпына келтіріп не қайта жасап, аурумен күресе алады.

    Сондықтан эмбриондық дің жасушалар терапиясы ұстамалы жүрек ауруынан кейін жүрек ұлпасын қалпына келтіру, лейкемияны және басқа да обыр ауруларын, сусамыр, тіпті көзді емдеуде көмектесе алады.

    Қарсы пікір

    Алайда көптеген мамандар эмбриондық дің жасушалар терапиясы денсаулыққа қауіпі бар, әрі этикалық тұрғыдан қате дейді.

    Терапиялық дің жасушаларын алу үшін, адам эмбриондарын қолдан жасап, содан кейін оны жою идеясы бүкіл әлемде дау

    туғызды.

    Жозефина Квинтавалле, Наразылық білдіруші – "Өмір ұрықтану сәтінен басталады. Бұл – адам өмірі және оның өмірі қорғалуы тиіс. Ұрықтың әдейі жойылу процесі мемлекеттің бақылауына алынуы қажет. Менің ойымша, бұл шын мәнінде күрделі мәселе".

    Кейбір ғалымдар эмбриондық дің жасушалар терапиясы қауіпті екенін айтады. Себебі жасушалар науқастың ауруы мен жарақаттарын емдеудің орнына, оларда ісіктер түзуі мүмкін.

    Болашақта

    Дегенмен де, көп маман бұл әдісті қазіргі таңдағы медицинаның оң жетістігі деп есептейді.

    Эмбриондық дің жасушалар терапиясының құқықтық статусы әр елде әртүрлі.

    Біріккен Корольдықта ең алғашқы клиникалық сынақтар басталуда.

    Ғылыми әдістер дамып, бұл әдістің пайдасы туралы сөз көбейген сайын, дің жасушалар терапиясын қабылдайтын адамдар саны да көбейуі мүмкін.

    Ықтимал зиянның алдын алу үшін клиникалық сынақтар мен емдеудің жаңа әдістері қатаң бақылуға алынуда, сонымен қатар этика мен бұл әдістің мүмкіндіктеріне қатысты дау күннен күнге өршіп келеді.

    Эмбриондық дің жасушалар терапиясы медицина ғылымына үлкен өзгеріс әкеле ала ма?

    Әлде бұл жолы ашылмайтын аса қауіпті емдеу тәсілі ме?

  • Ұқсас фильмдер
  • Ұқсас фильмдер