+7 (727) 344 95 95
Қазақша

Өсімдіктерге өсу үшін не қажет?

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Өсімдіктер оттегін түзіп, бізді азықпен қамтамасыз етеді. Бірақ оларға өмір сүруге не қажет? Нитраттардың, фосфаттардың, калий мен магнийдің өсімдікке өмірлік маңыздылығы туралы біліңіз.

    Маңызды деректер

    • Өсімдіктер бізді аспен қамтамасыз етеді.
    • Өсімдіктерге күн жарығы, ауа, су және минералдар қажет.
    • Егер минералдар жетіспесе, тамыр мен жапырақтар түссізденеді.
    • Негізгі минералдарға нитраттар, фосфаттар, калий және магний жатады.
  • Транскрипт

  • Транскрипт

    Транскриптті жүктеу

    Ғажайып бау-бақша жасау үшін немесе мол өнім алу үшін біз өсімдіктердің қалай өсетінін білуіміз қажет.

    Оттегі бөлетін және азық ретінде қызмет ететін өсімдіктер болмаса, адамзат өмір сүре алмас еді.

    Сондықтан өсімдіктің өсуі үшін не қажет екенін түсінудің маңызы зор.

    Өсуге қажетті маңызды ингредиенттерге жапырақ арқылы жұтылатын күн жарығы мен ауа және тамыр арқылы сіңірілетін су мен минералдар жатады.

    Топырақтағы минералдар жеткіліксіз болғандықтан, тамыр қоректік заттары көп жерлерге ұмтылады.

    Егер өсімдік қоректік заттарды қажетінше сіңірмесе, оның денсаулығына қауіп төнеді.

    Егер төрт негізгі минералдың біреуі жеткіліксіз болса, жағдай қиындай түседі.

    Нитраттар. Фосфаттар. Калий. Магний

    Ақуыздың құрамдас бөлігі – аминқышқылдарды түзу үшін нитраттар қолданылады. Өйткені олар өсімдіктің әрбір жасушасына қажет.

    Нитрат жетіспеген жағдайда, өсімдіктің өсуі баяулап, ескі жапырақтары сарғаяды.

    Нитрат жетіспеуі: Баяу өсу. Жапырақтың сарғаюы

    Фосфаттар ДНҚ мен жаңа жасушалар мембранасын түзу үшін керек.

    Егер фосфат аз болса, тамыр баяу жетіліп, жас жапырақтар түссізденеді.

    Фосфат жетіспеуі: Тамырдың өсуін тежеу. Жапырақтың түссізденуі

    Калий тыныс алуға да, фотосинтезге де қатысады.

    Калийдің жеткіліксіз болуы өсімдіктің гүлі мен жемісіне теріс әсер етіп, жапырақтарды түссіз ету арқылы өлі дақтар қалдырады.

    Калий жетіспеуі: Өсімдік гүлі мен жемісі өсуін тежеу. Жапырақтың түссізденуі

    Магний – хлорофилл түзудегі маңызды элемент, ол жапырақтарға жасыл түс береді.

    Сол үшін де магний жетіспесе, жапырақтар сарғайып кетеді.

    Магний жетіспеуі:. Жапырақтың сарғаюы

    Ауыл шаруашылығында топырақ құнарлылығын арттыру үшін фермерлер көң сияқты минералға бай жасанды химиялық немесе органикалық заттарды пайдаланады.

    Осылайша, ауыл шаруашылығындағы өнім айналымы секілді әдістер де өз пайдасын тигізе алады.

    Тағам өндіруде өсімдікке не қажет екенін білу аса маңызды.

    Бұл – бізді тамақпен қамтамасыз ететін ауыл шаруашылығы өнімінің негізі.

  • Ұқсас фильмдер

  • Ұқсас фильмдер