+7 (727) 344 95 95
Қазақша

Өсімдіктер және медицина

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Бөрікгүл, сарымсақ және көкнәрдің ауруды басу мен сырқаттарды емдеу үшін медицинада қандай маңызды рөл атқаратынын анықтаңыз.

    Маңызды деректер

    • Емдік қасиеттері бар өсімдіктер шексіз көп өмірді құтқарып қалды.
    • Рецепт бойынша босатылатын дәрілердің жартысынан көбіндегі химиялық заттар ең алдымен өсімдіктерден табылған.
    • Қазіргі таңда ғалымдар оларды химиялық жолмен көішіреді немесе синтез жасайды.
    • Бұл оларға потенцияны артырып, жоғары талаптарға сай болу үшін қажет.
  • Транскрипт

  • Транскрипт

    Транскриптті жүктеу

    Өсімдіктер мыңдаған жылдар бойы емдік мақсатта қолданылып келеді. Бүгінгі дәрі-дәрмектердің 50%-дан астамы химиялық заттардан алынады, бірақ алғашында олар өсімдік құрамынан табылған.

    Сарымсақ

    Сарымсақ қан қысымын және қандағы қант пен холестерин мөлшерін төмендетеді, сондай-ақ оның құрамында бактерияларға қарсы заттар бар.

    Оймақгүл. Дигитоксин

    Оймақгүл құрамында жүрек қағысының ырғағын қалпына келтіру үшін бұрыннан қолдаланылатын дигитоксин деген зат бар. Осы заттың негізінде жасалған препараттар жүрек ауруларын емдеуде қолданылады.

    Шілік ағашы

    Шілік ағашының қабығы қатерлі ісікке қарсы пайдаланылады, сондай-ол қытай медицинасында 5000 жыл бойы жүрек ауруларымен, ақыл-есі кемістігімен, қатерлі ісікпен күресуде қолданылып келеді.

    Цинарин – бөрікгүл өсімдігінің құрамында болатын химиялық зат.

    Бөрікгүл. Цинарин

    Цинарин бауыр және жоғары қан қысымы ауруларын емдеуде қолданылады.

    Кодеин – әлемдегі ең күшті және кең қолданылатын ауру басатын дәрілердің бірі. Ол апиын көкнәрінен алынады.

    Апиын көкнәрі. Кодеин

    Кодеин бауырдағы ферменттер арқылы белсенді анальгетик – морфинге айналып, ауруды басуға көмектеседі.

    Кейбір заманауи дәрілер құрамында табиғи өсімдік заттары әлі де бар, алайда бүгінде олардың көбі химиялық жолмен немесе сығындыларды синтездеу арқылы алынады.

    Бұл дәрі-дәрмектерді үлкен көлемде шығаруға және оларың тиімділігін арттыруға мүмкіндік береді.

    Бұған өсімдіктегі химиялық зат – хинин жақсы мысал бола алады, ол алғаш рет 100 жылдан астам уақыт бұрын хина ағашы сияқты тропикалық орман ағаштарынан табылған.

    Хина ағашы. Хинин

    Ағаш қабығынан алынған химиялық хинин затынан масалар арқылы таралатын қан ауруы – безгекті емдейтін таблеткалар жасалды.

    Жыл сайын безгек ауруының 350 - 500 миллион жағдайы тіркеледі

    Жыл сайын шамамен 350-500 миллион безгек ауруына шалдығу оқиғасы тіркеледі.

    Дәріге деген жоғары сұранысқа орай ғалымдар хининнің өсімдік сығындысын химиялық препаратқа синтездеу әдісін ойлап тапты. Бұл дәріні жаппай өндіруге мүмкіндік берді.

    Өсімдіктер жаһандық тағам тізбегінің негізін құрап қана қоймай, сонымен қатар олар емдік қасиеттері арқылы көптеген адамдардың өмірін сақтауға көмектеседі.

  • Ұқсас фильмдер

  • Ұқсас фильмдер