+7 (727) 344 95 95
Қазақша

Жыртқыш өсімдіктер

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Өсімдіктердің барлығы Күн сәулесімен және сумен ғана тіршілік етпейді. Жыртқыш өсімдіктер етпен қоректенеді. Осындай жыртқыш өсімдіктердің кейбірі қалай жемтігін аулап, өлтіретінін анықтаңыз.

    Маңызды деректер

    • Кейбір өсімдіктер қатал жағдайларда жемтігін ұстауға бейімделген.
    • Олар ұсақ жәндіктерді өзінің тәтті шырыны және ашық түсі арқылы еліктіреді.
    • Жәндіктерді жабысқақ шырышты түктерінің ұшынан бөлінетін сұйықтық арқылы ұстап алады.
    • Олар жемтігін қорытады және қоректік заттарды сіңіреді.
  • Транскрипт

  • Транскрипт

    Транскриптті жүктеу

    Бүкіл әлемдегі жәндіктер мен басқа да жануарлар өсімдіктермен қоректеніп, оларды жапырақтары мен қоректік заттарынан айырады. Алайда өсімдіктердің барлығы қорғансыз емес.

    Жыртқыш өсімдіктер қатал ортадағы қорек жетіспеушілігінің орнын толтыру үшін жәндіктерді аулайды. Оларды қорыту үшін адаптацияның бірнеше түрін дамытқан.

    Шықшөп

    Шықшөптің ашық түстері жәндіктерді қызықтырады. Алайда жапырақ түктеріндегі бұл жылтыр тамшылар тәтті шірне емес.

    Олар өзіне қызыққан жәндіктерді тұзаққа қарай тартатын өте жабысқақ заттан түзілген.

    Шықшөптің қармауыштары жәндіктерді қашып үлгертпей, тез ұстап алып, қорыта бастайды.

    Венера шыбынжегі

    Венера шыбынжегі серіппелі тұзақты қолданады.

    Оның арнайы бейімделген жапырақтарындағы ұсақ түктері тартпа механизм ретінде әрекет етеді.

    Жемтік қашуға тырысқан сайын, шыбынжек қаттырақ жабылып, ішкі бетіндегі бездерден ас қорыту қышқылдары бөліне бастайды. Бұл қышқылдар жемтікті өлтіріп, кейін оны ерітіп жібереді.

    Судағы гүлді өсімдіктердің көпшілігінің астында суасты жыртқышы – дүңгіршек жасырынып жатады.

    Дүңгіршек

    Бұл түрлер ұсақ ағзаларды көпіршік тәрізді тұзақтың ішіне түсіреді.

    Жемтік қақпақшамен байланысқан сезімтал талшықтарға тиіп кеткен кезде, көпіршік кенеттен ашылып, іші суға толады.

    Жемтік ішке қарай сіңіріліп, одан кейін баяу қорытыла бастайды.

    Жәндікқоректі өсімдік

    Жәндікқоректі өсімдіктердің тік жапырақтары жемтігін ұстау үшін сумен толтырылады.

    Жапырақтарының астыңғы бөлігіндегі шірне жәндіктерді өзіне қарай тартады. Жемтік ұсталған кезде, жапырақтың балауыз беті оған қашуға мүмкіндік бермейді де. Ол суға қарай сырғанап, батып кетеді.

    Өсімдіктің төменгі бөлігіндегі бездер өлікті қорытуға мүмкіндік беретін ферменттер бөледі.

    Кейбір жәндікқоректі өсімдіктердің ұсақ кеміргіштерді ұстап, өлтіру үшін екі литрге дейін су жинақтай алатыны белгілі.

    Өсімдіктердің көпшілігі қарапайым жемтік, қоректену тізбегінің негізі болғанымен де, олардың кейбіреулері - нағыз жасырын аңшылар.

  • Ұқсас фильмдер

  • Ұқсас фильмдер