+7 (727) 344 95 95
Қазақша

Паразит өсімдіктер

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Тіршілігін сақтау үшін әртүрлі паразит өсімдіктер қоректік заттарды өзге өсімдіктерден ұрлап алады. Кейде бұл қожайын-өсімдіктің өліміне алып келеді.

    Маңызды деректер

    • Паразит өсімдіктер басқа өсімдіктердің қоректік заттарының бір бөлігін немесе түгелдейін тартып алады.
    • Кейбір өсімдіктер өздерінің иелеріне бекіп, онымен тепе-теңдікте қалады.
    • Олардың кейбірі иелерін өлтіреді.
    • Мысал ретінде омела, арамсояу және фикустарды келтіруге болады.
  • Транскрипт

  • Транскрипт

    Транскриптті жүктеу

    Паразиттер

    Кейбір өсімдіктер басқа өсімдіктердің арқасында өмір сүреді. Оларды "паразиттер" деп атайды.

    Паразиттер – өзге ағзалардың қоректік заттарын бөлікпен немесе бүтіндей пайдаланып, қайтарым ретінде ешнәрсе жасамайтын ағзалар.

    Омела – паразит өсімдік. Ол тамырларының жоқтығынан тек қана өзге ағашта өседі.

    Омела: Солтүстік Америка мен Еуропада өседі

    Омела су мен тәтті шырынды сіңіру үшін ағаштың тасымалдау жүйесіне еніп, оның бұталарында өседі.

    Омелалардың көптеген түрі жасыл жапыраққа ие. Осы арқылы олар фотосинтез кезінде қоректік заттар өндіреді. Бірақ көптеген паразиттер осыны да жасай алмайды.

    Бұл өсіп тұрған арам шырмауық.

    Ол – толықтай паразит өсімдік. Оның тұқымдары тез арада өз иесін таппаса, өледі.

    Арам шырмауық: Бүкіл әлемде кездеседі. Қоңыржай және тропиктік климаттарда өседі

    Тіпті қалақайдың тікенектері де арам шырмауықты тоқтата алмайды.

    Ол өсу үшін қалақайдың сабағынан шырынды сорып, жеткілікті қорек жинаған соң гүлдейді.

    Арам шырмауықтың жалғыз көшеті уақыт өте бүкіл қалақай сабақтарын зақымдайды.

    Омела мен арам шырмауықтар өз иелерінің тіршілігіне тәуелді. Бірақ өз иесін өлтіре алатын паразит өсімдіктер де бар.

    Жас інжір ағашы өз иесінің бұтағында баяу өседі.

    Оның тамырлары ағаш бұтақтарын шырмап, жерге қарай бағытталады.

    Ол қоректік затқа байыған соң, өте тез өсіп, ұсақ тамырлары арқылы өз иесінің сабағын орай тор түзеді.

    Паразит иесі өз тіршілігін тоқтатады. Бұл – тұншықтырғыш інжір.

    Тұншықтырғыш інжір: Тропикалық ормандарда өседі

    Бірнеше жылдар бойы інжір тамырлары топырақтағы қоректік заттардың көп бөлігін сіңіре отырып, өз иесінің жапырақтарына күн сәулесін жібермей, діңді тұншықтырады.

    Ағаш ақыр соңында өледі.

    Оның діңі шіріген кезде інжірдің тамырлары қуыс цилиндрге айналып, ары қарай мықты болып өсуіне көмектеседі.

    Өсімдік әлемі паразит өсімдіктерге толы, кейбіреулері жай ғана оңай жолмен өмір сүрсе, кейбіреулерінің жолында басқа өсімдіктер құрбан болады.

  • Ұқсас фильмдер

  • Ұқсас фильмдер