Атом деген не?

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Біздің денеміз, теңіздер мен жұлдыздар, барлық заттар миллиондаған кішкене атомдардан тұрады. Ал атомдар неден тұрады?

    Маңызды деректер

    • Ядролық қалдықтар қауіпті әрі ұзақ уақыт бойы радиоактивті болып қала береді.
    • Ядролық қалдықтарды жер астында сақтау үшін дайындықтар жүргізіліп, бақыланып, соңында, олар жер астында сақталуы керек.
    • Ядролық қалдықтарды қайта өңдеуге болады, бірақ бұл процесс ядролық қарулар жасауда қолдануға болатын аса қауіпті қалдықтардың түзілуіне әкеледі.
    • Ядролық бөліну радиоизотоптар деп аталатын тұрақсыз ядро түзеді, олар тұрақты ядро түзгенше ыдырай береді.
  • Транскрипт
  • Транскрипт

    Транскриптті жүктеу

    Бізді қоршаған әлем атомдардан құралған.

    Дем алатын ауамыз да... Жер де... Тіпті өзіміздің денеміз де атомдардан тұрады.

    Атомдар кез-келген материяның кішкентей құрамдас бөлігі.

    Олардың қаншалықты шағын екендігін елестетудің өзі қиын:

    Атомның ені милионнан бір миллиметрдің оннан бірін ғана құрайды.

    Атомның өлшемі: 0,0000000001 м. 0,0000001 мм

    Бір түйір құмның өзінде триллиондаған атом бар.

    Бұл - өте қуатты электронды микроскоптың көмегімен түсірілген атомдардың суреттері.

    10 миллион есе үлкейтілген атомдар

    Мынау – жылтыраған кремний...

    Ал мынау – көміртек атомдары.

    Әр түрлi элемент атомдары бір-бірінен ерекше болғанымен, барлық атомдарға тән, мейлі ол алтын немесе гелий болсын, ортақ түпкі құрылым бар.

    Әр атом үш негiзгi элементар бөлшектерден тұрады: олар – протондар, нейтрондар және электрондар.

    Атомның көп бөлігі – бос кеңiстiк.

    Оның ортасында шағын ғана, тығыз шар болады: оны «ядро» дейді.

    Протондар мен нейтрондар ядроның ішінде орналасады. Ядро атом көлемінің триллионнан бір бөлігін ғана құрса да, атом массасының басым бөлігі осы ядроға келеді.

    Протондар әрдайым оң зарядталған…

    Ал нейтрондардың заряды болмайды.

    Ядроны қоршаған бос кеңістіктегі мына кішкентай нүктелер – теріс зарядталған электрондар, олар атомды айнала қозғалады.

    Атомдағы электрондар саны мен протондар саны тең келеді. Оң және теріс зарядтар тең болғандықтан, атомдар әрқашан бейтарап болады.

    Атомдарды бір-бірінен ерекшелейтін – протондар саны.

    Ол “атомдық нөмір” деп аталады.

    Сол арқылы алтынның алтын,

    Ал мыстың мыс екені анықталады.

    Ең жеңіл атом – сутек атомы, ол бір ғана протоннан тұрады.

    Атом құрамында екі протон болса, онда ол гелий ...

    8 протон болса – оттегі атомы болғаны.

    Атом құрамындағы электрондар мен протондардың саны бiрдей болғандықтан, атомдық нөмiр атомдағы электрондардың саны жайлы да дерек береді.

    Ол өз алдына элементтiң реакцияға түсу қабiлетiне ықпал етедi.

    Сонымен, көзге көрінбесе де, атомның рөлі ерекше зор. Әрбір жеке дара атом және олардың жиынтық құрылымы бізді қоршаған ортаны құрайды.

  • Ұқсас фильмдер
  • Ұқсас фильмдер