Атомның ашылуы

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    1908 жылы атомның құрылысын анықтап, ғылымда төңкеріс жасаған Жаңа Зеландиялық ғалым Эрнест Резерфорд жайлы хикая.

    Маңызды деректер

    • 1908 жылы Эрнест Резерфорд алтын фольгалы тәжірибесін жүргізді, онда сәулелер жіңішке алтын фольга арқылы өткізілді.
    • Тәжірибеде сәулелердің шағылу қарқыны анықталды.
    • Тәжірибе нәтижелері алтын атомдарының көп бөлігі бос кеңістіктен тұратынын көрсеткен.
    • Резерфорд шағылған сәулелердің азғантай мөлшері арқылы атомның құрылысын анықтады, ол орбиталық электрондармен қоршалып, тығыз қапталған ядро екен.
  • Транскрипт
  • Транскрипт

    Транскриптті жүктеу

    Эрнест Резерфорд

    Эрнест Резерфорд – Жаңа Зеландияда дүниеге келген ғалым.

    Ол Кембридж университетінің стипендиясына ие болып, еңбек жолын сол жерде бастаған. Нәтижесінде, ол 20 ғасырдағы аса маңызды ғылыми жаңалықтардың бірін ашты.

    Профессор Роберт Маршалл, Манчестер университеті – "Резерфорд өте, өте ерекше адам болған. Кейбір ғалымдардың басқаларға ұқсамайтынын байқаған боларсыз. Ол да осындай ғалымдардың бірі еді."

    Резерфорд химия саласы бойынша элементердің ыдырауы мен радиоактивтілік жөніндегі жұмыстары үшін Нобель сыйлығын алып, тез арада танымал болды.

    Алайда Резерфорд, ең алдымен, атом құрылысын ашқан ғалым ретінде танымал.

    Атомдар 1850 жылдары ашылып қойған болатын. Бірақ олардың құрылысы қандай деген сұрақ әлі де талас тудыратын.

    1908 жылы Резерфорд Манчестер университетінде жұмыс істей жүріп, өзінің әйгілі алтын фольгалы тәжірибесін жүргізеді, онда жұқа алтын фольга арқылы сәулелерді өткізіп, олардың шағылу қарқынын анықтаған.

    Сәулелердің көп бөлігі фольга арқылы өткен.

    Бұл алтын атомының көп бөлігі бос кеңістіктен тұратынын көрсеткен.

    Алайда сәулелердің аз бөлігі кері қарай шағылған.

    Сондықтан Резерфорд атом құрамында шағылуды тудыратын өте кішкентай, орбиталық электрондар бұлтымен қоршалып тығыз қапталған ядро болуы керек деп ұйғарған. Бұл теория күні бүгінге дейін өз күшін жойған жоқ.

    Оның жаңалығы ғылымға үлкен өзгеріс алып келді, соның нәтижесінде, қиратып-жоятын күші де, пайдасы да зор жаңа ғылым саласы – ядролық физика пайда болды.

    Резерфорд өмірінің соңына дейін жұмыс істеп, 1937 жылы Кембриджде қайтыс болды.

    Атомға қатысты ашқан жаңалығының арқасында ол тарихтағы ең атақты ғалымдар қатарына кірді. Кезінде Эйнштейннің Резерфордты "екінші Ньютон" деп атауы бекер емес.

  • Ұқсас фильмдер
  • Ұқсас фильмдер