Атомның құрылысы: Электрондық қабаттар

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Электрондық қабаттар элементтердің қасиеттеріне және олардың тұрақтылығына немесе қарқынды әрекеттесуіне жауапты екенін анықтаңыз.

    Маңызды деректер

    • Элементтің бенсенділігі атомның сыртқы қабатындағы электрондар санымен анықталады.
    • Атом әбден тұрақты болуы үшін, оның электрондармен толған сыртқы қабаты болуы керек.
    • Әрбір атомның ішкі қабатында тек екі электрон бола алады, ал қабаттар ядродан алыстаған сайын, олар өзіне көбірек электрондарды сыйдыра алады.
    • Сыртқы қабатындағы жалғыз электроны бар калий, басқа элементтермен әрекеттесу арқылы жалғыз электронынан айырылып, сыртқы қабатын толықтырады.
  • Транскрипт
  • Транскрипт

    Транскриптті жүктеу

    Калийді өте белсенді элемент ететін...

    Ал алтынның мыңдаған жылдар бойы өзгеріссіз қалуы неге байланысты?

    Элементтердің белсенділік қабілеті оның электрондарының саны мен орналасуына байланысты.

    Электрондық қабат

    Барлық атомдардың теріс зарядты электрондары оң зарядты ядро айналасында салыстырмалы түрде үлкен аумақта қозғалады.

    Бірақ ең бастысы электрондар “электрондық қабаттар" деп аталатын дискретті аймақтарда орналасқан.

    Егер футбол добы атомның ядросы болса, онда ең жақын деген электронның өзі алыста, стадионның сыртында жатар еді.

    Алайда мұнда электрондық қабаттар кішірейтіліп, сақина ретінде көрсетілген.

    Әр қабатқа электрондардың нақты бір саны ғана орналаса алады.

    Осылайша, әр атомның, калий немесе алтын болсын, бірінші қабатында ең көп дегенде екі электрон болады.

    Екінші қабатқа ең көп дегенде сегіз электрон орналасуы мүмкін.

    Ал электрон саны көп атомдар үшінші қабатты он сегіз электронға дейін толтыра алады.

    Қабаттар ядродан алыстаған сайын, олар өзіне көбірек электрондарды сыйдыра алады.

    1-қабат = 2 электрон. 2-қабат = 8 электрон. 3-қабат = 18 электрон. 4-қабат = 32 электрон

    Ішкі қабат әрқашан бірінші болып толады. Мәселен, 11 электроны бар натрий атомының бірінші қабатында екі, екінші қабатында сегіз және сыртқы қабатында бір электрон орналасқан.

    Фтор атомының тоғыз электроны болғандықтан, сыртқы қабатында жеті электроны бар.

    Химиялық белсенділік

    Дәл осы сыртқы қабаттағы электрондар саны элементтің қаншалықты белсенді екенін анықтайды.

    Мүмкіндігінше тұрақтылыққа ие болу үшін атом сыртқы қабатының толық болуын талап етеді, сондықтан осы мақсатқа жету үшін ол басқа атомдармен реакцияға түседі.

    Осылайша, сыртқы қабатындағы жалғыз электроны бар калий, басқа элементтермен әрекеттесу арқылы жалғыз электронынан айырылып, сыртқы қабатын толықтырады.

    Керісінше, неон, аргон сияқты асыл газдардың сыртқы қабаты толық, сондықтан олар инертті.

    Қорыта айтсақ, сыртқы қабаттағы электрондар санына байланысты кей элементтер бір-бірімен химиялық реакцияға түсуі немесе түспеуі мүмкін.

  • Ұқсас фильмдер
  • Ұқсас фильмдер