+7 (727) 344 95 95
Қазақша

Отын ретіндегі өсімдік майы

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Өсімдік майы биоотын ретінде пайдаланылатын процестерді анықтаңыз. Өсімдік майы қазба отындарға балама бола ала ма?

    Маңызды деректер

    • Өсімдік майы дизель мен бензин сияқты ұзын тізбекті көміртек атомдарынан құралады.
    • Өсімдік майы өте қою, тұтқыр және қозғалтқыштарды зақымдайды.
    • Мәселенің шешімі – қозғалыс барысында дизель мен өсімдік майын ауыстырып отыру.
    • Өсімдік майын пайдаланып, тиімді, әрі жаңартылмалы жанармай табу мақсатындағы тәжірибелер жалғасуда.
  • Транскрипт

  • Транскрипт

    Транскриптті жүктеу

    Ас әзірлеуде қолданылатын май автокөлік жанармайы болуға жарауы мүмкін.

    Рудольф Дизель, Инженер-механик

    1900 жылы дизель қозғалтқышын жасаушы Рудольф Дизель Париждегі Дүниежүзілік жәрмеңкеде өз көлігінің арахис майымен жүре алатынын көрсетті.

    Бұл барлық өсімдік майларының ұзын тізбекті көміртек атомдарынан тұратындығынан. Олардың құрылымы дизель мен бензиннің молекулалық құрылымына өте ұқсас болып келеді.

    Жанармай ретінде қолданылатын таза өсімдік майы SVO деген атпен белгілі.

    Таза өсімдік жанармайы = SVO

    Әдетте, ескірген өсімдік майлары химиялық жолмен биодизельге айналдырылады. Бұл жаңартылмалы жанармайды дизель отынымен араластырса, одан бөлінетін газ таза дизельге қарағанда қауіпсіздеу болады.

    Сондай-ақ, таза өсімдік майын сүзу арқылы ас әзірлеуде бірнеше рет пайдалануға болады.

    Жанармай ретінде таза және аралас өсімдік майының бір кемшілігі – олар өте қою әрі тұтқыр. Сондықтан қозғалтқышты зақымдауы мүмкін.

    Бұл мәселенің бір шешімі - дизель және өсімдік майларын бөлек қолдану. Мұндайда көлікті қыздырып алу үшін дизельді ғана қолданып, одан кейін өсімдік майына көшу қажет.

    Отынның екі түрінде де, майдың жануынан көміртек атомдарының ұзын тізбектеріндегі химиялық байланыстар бұзылып, оттегімен жаңа байланыстардың түзілуі нәтижесінде энергия бөлінеді.

    Қозғалтқышты өшірер алдында, қайтадан дизельге қосылу керек. Бұл майдың қозғалтқышты бітеп тастамауы үшін қажет.

    Рудольф Дизель жаңалығынан кейін 100 жылдан аса уақыт өтсе де, біз әлі күнге дейін тиімді, әрі жаңартылмалы жанармай табу үшін өсімдік майларын қолданып, тәжірибелер жасаудамыз.

  • Ұқсас фильмдер

  • Ұқсас фильмдер