+7 (727) 344 95 95
Қазақша

Пластмассаны өңдеу

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Термореактивті, термопластикалық және биологиялық ыдырауға толық ұшырамайтын пластиктердің айырмашылықтары мен оларды қайта өңдеу.

    Маңызды деректер

    • Біз көбіне биологиялық ыдырауға ұшырамайтын пластиктердің көп мөлшерін далаға тастаймыз.
    • Ол механикалық және химиялық әдістер арқылы қайта өңделе алады.
    • Ғалымдар қазір биологиялық ыдырайтын пластикті жасауда.
    • Олар мономерлер тізбегіне қант, жібек, тіпті бамбук секілді мұнай өніміне жатпайтын материалдарды қосады.
  • Транскрипт

  • Транскрипт

    Транскриптті жүктеу

    Қазіргі пластиктер немесе полимерлер өте өміршең әрі инертті.

    Біз жыл сайын осы өнімнің 100 миллион тоннасын далаға тастаймыз.

    Бірақ берік әрі өміршең пластик әдетте биологиялық ыдырауға ұшырамайды. Ол микроағзалар қатысатын табиғи жолмен ыдырамайды, пластик қоршаған ортада жүздеген, тіпті мыңдаған жылдар бойы сақталады.

    Тасталатын пластик мөлшерін шектеудің бір жолы – оны қайта өңдеу.

    Өңдеу процесін әртүрлі ететін өзіндік ерекшеліктері бар екі түрлі пластик болады.

    Термопласттар

    Термопласттарды қарапайым қыздыру арқылы өңдеуге болады. Полимер тізбектерін біріктіріп тұрған молекулааралық әлсіз байланыстар үзіліп, пластик балқиды.

    Осылайша, одан жаңа өнім алуға болады.

    Мұны "механикалық өңдеу" деп атайды.

    Термореактивті пластиктер

    Өте жоғары температурада ғана балқитын термореактивті пластиктің өңделуі оның ерекше химиялық құрылымына орай қиындау келеді.

    Оның себебі бастапқы пластик құю кезінде термореактивті пластиктердің құрылымын күшейтетін берік көлденең байланыстың орнығуында.

    Оларды еріту үшін жоғары температура мен күшті химикаттар қолданып, химиялық қайта өңдеу қажет.

    Алайда пластиктің екі тобын және осы топтар ішіндегі әртүрлі пластиктерді ажырату өте қиын. Олардың қасиеттері ұқсас болып, бірдей көрінуі мүмкін.

    Сол себепті ғалымдар пластикті қауіпсіз пайдаланудың өзге жолдарын қарастыруда.

    Олар қазір биологиялық ыдырайтын пластик жасау әдісін дамытуда. Бұл полимер тізбегінің құрамына қант, жүгері крахмалы, жібек, тіпті бамбук секілді мұнай өніміне жатпайтын материалдарды аз көлемде қосу арқылы жасалады.

    Бұл пластиктің уақыт өте келе немесе күн сәулесі әсерінен биологиялық ыдырауына ықпал етеді.

    Алайда пластик бірте-бірте шірігенімен, мұнай химикаттарының шағын көлемі қоршаған ортада әлі де сақталуы мүмкін.

    Демек бұл мәселені шешудің ең тиімді жолы – пластик өндірісін азайту.

    Сол арқылы энергия мен ресурс шығынын да азайтуға болар еді.

  • Ұқсас фильмдер

  • Ұқсас фильмдер