Нейлонның ойлап табылуы

Транскрипт

Транскриптті жүктеу

20-ғасырдың бірінші жартысында киім тігуге арналған маталардың барлығы табиғи еді.

Жануарлардың жүні мен мақта талшықтары сияқты табиғи полимерлер киім тігуге өте ыңғайлы болды.

Үлкен сұранысқа ие маталардың бірі жібек болатын. Оны өндіру үшін жібек құрты мен жұлдызқұрт пайдаланылды.

Көйлектен бастап шұлыққа дейін жібектен жасалатын, алайда бұл – өте қымбат, әрі бүлініп қалуы оңай мата.

1939 жылы бұл салаға революция әкелген жаңалық ашылды.

Нью–Йорктағы дүниежүзілік жәрмеңкеде сән әлемін мүлде өзгерткен - ең алғаш синтетикалық талшық таныстырылды. Ол нейлон еді.

Нейлон

Бұл жаңа, арзан, әрі төзімді мата болды. Қыз-келіншектер нейлон шұлықтары үшін төбелесуге дейін баратын.

Ол материалды ойлап тапқан адамның есімі Уоллес Карозерс еді.

Уоллес Карозерс, 1939 жыл

Ол әріптестерміен бірігіп жібекке балама мата жасауға тырысты.

Ол үшін шикі мұнайдан алынатын жоғары молекулалы қосылыстар – полимерлердің құрылымындағы қайталанатын мономерлер тізбегі қарастырылды.

Карозерс көміртек қосылыстарының екі түрлі ерітіндісін өзара әрекеттестірді.

Ол екі қосылыстан қатты ақ заттың пайда болғанын көріп, оны шыны таяқшамен тартқанда, заттың берік талшық түзетінін байқады.

Осылайша нейлон пайда болды.

"Полимер 6-6" деп аталған талшық өте ұзын болып созылып, қатты жұқарса да, беріктігін сақтай алды.

Нейлонның құрылымындағы өзара берік байланысып, тығыз тізбектер құратын амид тобының молекулалары оның мықты болуына көмектеседі.

Осы қасиеттері арқасында нейлон сыртқы әсерлерге аса төзімді болып келеді. Мәселен екінші дүниежүзілік соғыс кезінде нейлон парашют арқандарын жасауда қолданылды.

Бүгінде ол көптеген өнімдерді, соның ішінде сөмкелер, оққағарлар және әрине, нейлон шұлықтарын дайындауда кең сұранысқа ие.

Ұқсас фильмдер

Фракциялық айдау үдерісі

Пластмассалар және полимерлер

Эфирлер және парфюмерия

Пластмассаны өңдеу

Отын ретіндегі өсімдік майы

Этилдендірілген және этилдендірілмеген бензин

Деректер: Көмірсутектер