+7 (727) 344 95 95
Қазақша

Эфирлер және парфюмерия

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Эфирлер табиғатта кездеседі және парфюмерияда кеңінен қолданылады. Эфирлер деген не, олар қалай түзіледі және қалай пайдаланылады?

    Маңызды деректер

    • Эфирлер банандар, лаванда мен ананастар сияқты көптеген жемістерге жағымды жұпар иіс береді.
    • Олар спирт пен карбон қышқылының әрекеттесуі нәтижесінде түзіледі.
    • Олар көміртегі мен оттегі атомдарының тізбегінен түзіледі.
    • Бұл күрделі эфирлік байланыс ретінде танымал.
  • Транскрипт

  • Транскрипт

    Транскриптті жүктеу

    Банан және лаванда.

    Ананас пен парфюмерия.

    Көптеген хош иісті заттар секілді бұлардың да жағымды жұпар иісі "күрделі эфир" деп аталатын химиялық заттарға байланысты.

    Эфирлер

    Күрделі эфирлер - спирт пен карбон қышқылының әрекеттесуі нәтижесінде түзілетін органикалық қосылыстар. Олар көміртегі мен оттегі атомдарының тізбегінен түзіледі. Біз мұны күрделі эфирлік байланыс ретінде танимыз.

    Күрделі эфирлік байланыс

    Күрделі эфирлер табиғатта кең таралған. Бірақ оларды зертханаларда да алуға болады. Ол үшін катализатор ретінде күкірт қышқылы қатысып, екі ингредиент өзара әрекеттесуі қажет.

    Спирт

    Ондай ингредиенттердің бірі – спирт. Мысалы, метанол немесе этанол.

    Карбон қышқылы

    Екіншісі – карбон қышқылы. Мысалы, сірке қышқылы немесе бутан қышқылы.

    Бір қызығы, карбон қышқылдарының исі ащы және жағымсыз. Бірақ күрделі эфир алу кезінде, олар спиртпен байланысып, жағымды хош иіс шығарады.

    Мәселен, бутан қышқылы ашыған майға шіріген иіс береді, бірақ оның этанолмен қосылуынан алынған күрделі эфирдің иісі ананастың иісіне ұқсайды.

    Сірке суына ащы өткір иіс беретін сірке қышқылы түрлі спирттермен әрекеттесіп, алмұрт, банан және цитрус жемістерінің хош иісін береді.

    Күрделі эфирлер өнеркәсіпте, атап айтқанда, парфюмерияда кеңінен қолданылады.

    Алайда коммерциялық сұранысқа ие болу үшін парфюмнің хош иісті болуы жеткіліксіз. Бұл үшін оған өзге де қасиеттер керек.

    Зиян келтірмеуі үшін оның теріні қоздырмайтын және уламайтын қасиетке ие болғаны абзал.

    Хош иіс оңай жуылып, термен әрекетке түспес үшін, олар суда еріп кетпейтіндей аса инертті болуы шарт.

    Оған қоса хош иіс мұрын ұшына бірден келу үшін, иіс суы қоспалары тез ұшып, оңай булануы қажет.

    Күрделі эфирлердің хош иіс қасиеті ароматизатор ретінде тағам өнеркәсібінде де пайдаланылады.

    Бізді қоршаған әлем күрделі эфирлерсіз мүлдем өзгеше, әрі жағымсыз болар еді.

  • Ұқсас фильмдер

  • Ұқсас фильмдер