Абсолют нөлге жету: Лазерлік суыту

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Лазерлер әдетте жылуға қатысты айтылды. Алайда ғалымдар керісінше, олардыбұрын-соңды тіркелмеген ең суық температураға қол жеткізу үшін пайдаланды. Олар абсолют нөлге жете алды ма?

    Маңызды деректер

    • Абсолют нөл – 0°K немесе -273,15°C.
    • Абсолют нөлге жету жолында ғалымдар лазерлерді пайдаланды.
    • Фотондар атомдардың жылдамдығын кеміту арқылы лазерлерден салқын заттар жасайды.
    • Физиктер қазірде шектік температураға жетуге тырысуда.
  • Транскрипт
  • Транскрипт

    Транскриптті жүктеу

    Лазерлер өте жоғары температурамен байланыстырылады. Алайда кейбір физиктер оларды Жер бетінде бұрын-соңды тіркелмеген ең суық температураға қол жеткізу үшін қолданып келе жатыр

    Абсолют нөл.

    Абсолют нөл = 0 K немесе -273,15°C

    Бұл температурада заттардың ішіндегі атомдар қозғалысын тоқтатады.

    1900 жылдары сутек және гелий сұйытылған газдарымен жасалған тәжірибе арқылы физиктер абсолют нөлге жақындап, Цельсий бағаны бойынша 4 градус жетпеді.

    Алайда 1990 жылдардың басында заманауи әдістердің көмегімен жаңа төменгі мәнге жету мүмкін болды.

    Лазерлік суыту

    Профессор Вольфганг Кеттерле МТИ, АҚШ "Бұл 91-дің соңы немесе 92-нің басы болатын.

    Бізге лазер сәулесін әркелкі орналастыру арқылы атомды жоғары тығыздыққа дейін суытуға бола ма деген ой келді. Және бұл ойымыз жүзеге асты! Бұл, шын мәнінде, алғашқы қадам болатын".

    Лазер сәулесінен шығатын фотондар атом қозғалысынан энергия ала отырып, затты салқындатады.

    Сөйтіп, атом қозғалысы баяулаған соң, оның температурасы төмендейді.

    Бұл тәсілді тек Кеттерле ғана қолданған жоқ.

    Лазерлік суыту: Фотондар газ ішіндегі атомдармен соқтығысады. Атомдардың орташа жылдамдығы кемидіАтомдар қозғалысы бәсеңдеген сайын, температура да төмендейді

    Колорадо штатындағы Боулдерде Эрик Корнелл және Карл Виман лазерлік суытудың балама техникасы – бумен салқындатуды қолданып, температураны одан әрі төмендетті.

    Кейбір заттар сұйық күйден буға айналу үшін энергияны қажет етеді және сол энергияның жұмсалуы сұйықтықты салқындатады.

    Профессор Эрик Корнелл Колорадо университеті, АҚШ "Біз атомдарды тостаған пішіндес магниттік аймақта ұстаймыз. Олар соның ішінде ұлғаяды, кейін жеткілікті энергиясы бар, қатты қызған атомдар тостаған жиегіне дейін көтеріліп, сыртына шығып кетеді. Олар өздеріне тиесілі энергиядан әлдеқайда көп энергияны өздерімен бірге әкетеді. Ал тостаған ішінде қалған атомдардың энергиясы азаяды. Сөйтіп энергия тапшылығынан қалған атомдардың қозғалысы бәсеңдеп, түбіне жинала бастайды ".

    Колорадо және Массачусетс Технология Институты (МТИ) командаларының арасында жарыс бір деңгейде өтіп жатты, бірақ 1995 жылдың маусымында Корнелл мен Виман рубидий элементін абсолют нөлден жүз жетпіс миллиардтан бір градус артық болатын температураға дейін салқындатты.

    Олар MIT командасынан бірнеше аптаға озып шықты.

    2001 жылы екі команда да физика саласындағы Нобель сыйлығымен марапатталды.

    Екі жылдан кейін Кеттерле бұдан да төмен температура – абсолют нөлден миллиардтан бір градусқа жоғары мәнге қол жеткізді.

    Бәлкім, затты бұдан әрі суытуға болмайтын да шығар, алайда Кеттерле және өзге де физиктер температураның абсолют шегіне жетуге әлі де талпынуда.

  • Ұқсас фильмдер
  • Ұқсас фильмдер