Кавитация

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Нақтырақ, қозғалыстағы суда металл құрылғыларын құртатын және жануарларды талдыратын жасырын қаупі бар.

    Маңызды деректер

    • Кавитация дегеніміз – судағы қысым әсерінен пайда болатын көпіршіктер түзілісі.
    • Кемелердің пропеллерлері су көпіршіктері соқтығысқанда, не қысымның арту әсерінен жарылғанда бұзылады.
    • Бұл көпіршіктердің температурасы бернеше мыңдаған Кельвинге жетуі мүмкін.
    • Дельфин құйрығы кавитация әсерінен зақымдануы мүмкін, себебі ол 54 км/сағ-тан артық жылдамдықпен жүзеді.
  • Транскрипт
  • Транскрипт

    Транскриптті жүктеу

    Әлемдік мұхиттың бетін күн сайын мыңдаған кеме кесіп өтеді. Бұл еспе винттердің көмегімен жүзеге асады.

    Алайда бұл винттер мәңгілік емес, ал олардың істен шығу себебі таң қалдырады.

    Винттер өзін қоршаған суды жан-жаққа итеріп, соңынан төмен қысымды аймақ қалдырады.

    Қысым төмендегендіктен, су буланып, кішкентай көпіршіктер түзіле бастайды.

    Бұл процесс «кавитация» деп аталады.

    Кавитация: Винттер суға қысым түсіреді. Қысым төмендегенде су буланады. Су қайнаған кездегідей көпіршіктер пайда болады

    Көпіршіктердің соқтығысуы немесе жарылуынан винттер зақымдануы мүмкін.

    Көпіршік айналасындағы су буды тез арада сығады.

    Қысым артқан сайын, температура да жоғарылайды.

    Жарылу шегінде көпіршік температурасы бірнеше мың кельвинге жетуі мүмкін.

    Ал қысым болса миллиондаған паскальға дейін жете алады.

    Бу таралған кезде өте үлкен көлемдегі энергия жылу және соққы толқындар ретінде бөлінеді.

    Бұл соққы толқындардың күштілігі сонша, олар тіпті металл винттерді де зақымдай алады.

    Кавитация зақымы: Су қысымы көпіршік жарылысын тудырады. Одан жылу бөлінеді және соққы толқындар пайда болады

    Кавитация әсерінен кеме винттеріне ғана емес,

    суда үлкен жылдамдықпен қозғалатын кез келген нәрсеге қатер төнеді.

    Мәселен, дельфин сағатына 54 километр жылдамдықпен су бетіне жақын қозғалады.

    Бұл кавитациямен шектелетін ең жоғары жылдамдық.

    Егер дельфиндер одан да жылдам жүзсе, олардың құйрықтары көпіршік әсерінен зақымдануы мүмкін.

    Кейбір теңіз жануарлары кавитацияны өз пайдасына асырады.

    Асшаян ұсақ көпіршіктер шығару үшін қысқыштарын сарт еткізіп жабады.

    Соның әсерінен таралған соққы толқындары олжаның құлағын тұндырады.

    Бұл – ұсақ көпіршіктердің қаншалықты қауіпті екендігінің тағы бір мысалы.

  • Ұқсас фильмдер
  • Ұқсас фильмдер