Жылу берілу

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Өткізгіштік, конвекция мен сәулелену жылудың таралатын барлық жолдары. Оның әрбірі қалай жұмыс істейді және несімен пайдалы?

    Маңызды деректер

    • Жылу берілудің үш жолы бар: жылуөткізгіштік, конвекция және сәулелену.
    • Жылуөткізгіштік – тура байланыстағы заттар арасындағы молекулалар арасындағы жылу энергиясының тасымалдануы.
    • Конвекция – қыздырылған заттың қозғалысы арқылы жылу энергиясының тасымалдану жолы.
    • Сәулелену дегеніміз – жылу энергиясының айналасындағы денелерден жылырақ дене арқылы таралуы.
  • Транскрипт
  • Транскрипт

    Транскриптті жүктеу

    Ыстық ванналар, радиаторларлар, алауошақтар – бұлардың бәрі бізді әртүрлі жолмен жылытады.

    Жылу үш түрлі жолмен беріледі: жылуөткізгіштік, конвекция және сәулелену. Жылуөткізгішік

    Жылуөткізгіштік – іргелес молекулалар немесе атомдар арасындағы жылу энергиясының тасымалы. Бұл қатты және сұйық заттарда, сондай-ақ, газдарда жүзеге асады.

    Атомдар қызған кезде, олардың тербелісі артады.

    Атом қаттырақ қызған сайын, тербелістердің кинетикалық энергиясы артады.

    Бір атом екіншісімен соқтығысқан кезде, энергия беріледі.Осылайша жылу бір заттан екінші затқа өтеді.

    Мына жағдайда ыстық сұйықтан салқын металға өтеді.

    Жылуөткізгіштік – екі дене арасындағы жылу берілудің ең тіке жолы.

    Кейбір заттар табиғатынан жылуды жақсы өткізеді, ал басқалары нашар өткізеді. Металдар әдетте жылуды өте жақсы өткізеді, ал шыны немесе ағаш нашар өткізеді.

    Бұл асүйлік металл ыдыстардың неге қызып кететінін, ал ағаштан жасалған ыдыс-аяқ неге салқын болып қалатынын түсіндіреді.

    Жылуөткізгіштік: Жылу энергиясының берілуі.Екі молекула немесе дене арасында тікелей өтеді

    Конвекция

    Радиатор қызған кезде, айналасындағы ауа жылынып, жоғары көтеріледі.

    Ыстық ауаның орнын суық ауа басады, осылайша цикл қайталанып отырады.

    Бұл – конвекция.

    Конвекция тек сұйықтар мен газдарда жүреді, себебі олар қызған кезде ұлғаяды.

    Ұлғаю барысында олардың тығыздығы азайып, жоғары көтеріле бастайды да, конвекция ағындарын түзеді.

    Планерлер осы конвекция ағындарының арқасында ұшады.

    Конвекция: Жылу энергиясының берілуі. Қыздырылған заттың қозғалысы арқылы. Тек сұйықтарда және газдарда жүреді

    Жылулық сәулелену

    Қоршаған ортаға қарағанда ыстық болатын от немесе Күн сияқты денелер жылу шығарады.

    Тербелістегі атомдар инфрақызыл электромагниттік толқындар шығарады. Ол бізге жылу болып сезіледі.

    Жылулық сәулелену: Жылу энергиясының берілуі. Қоршаған ортасына қарағанда әлдеқайда ыстық денелер арқылы.Электромагниттік толқындар түрінде шығарылады

    Барлық материя жылулық сәулелерді шығара алады, не жұта алады. Бұл процеске ешқандай бөлшектер қатыспайтындықтан, инфрақызыл сәулелер тіпті ғарыш кеңістігінде де тарала алады.

    Миллиондаған километрден шығарылатын Күн жылуының бізге қалай жететінін осыдан-ақ түсінуге болады.

  • Ұқсас фильмдер
  • Ұқсас фильмдер