Термодинамика заңдары

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Бұл екі негізгі заңдардың энергияны барша Әлем бойынша қолдануға болатынын немесе болмайтынын қалай түсіндіретінін анықтаңыз.

    Маңызды деректер

    • Термодинамиканың 1 заңы энергия не пайда болмайтынын, не жоғалмайтынын тұжырымдайды.
    • Термодинамиканың 2 заңы энергияны бір түрден екінші түрге 100% тиімділікпен тасымалдау мүмкінсіздігін көрсетеді.
    • Әлем – шектелген жүйе, сондықтан оның энергия мөлшері шектеулі.
    • Жермен 65 миллион жыл бұрын соқтығысқан астероид жаңа энергия түзудің орнына энергияны тасымалдайды.
  • Транскрипт
  • Транскрипт

    Транскриптті жүктеу

    65 миллион жыл бұрын Жерге алып астероид соқтығысты.

    Астероид энергиясы бүкіл әлемдегі ядролық бомбалардың жалпы энергиясынан да көп болатын.

    Термодинамиканың 1-заңы

    Термодинамиканың бірінші заңы бойынша энергия жоқтан пайда болмайды және жоғалып кетпейді. Ол тек бір түрден екінші түрге түрленеді.

    Сонымен, астероидтың энергиясы қайда кетті?

    Энергияның бір бөлігі көз шағылыстыратын жарыққа айналса, бір бөлігі құлақ тұндыратын дыбысқа айналды. Тағы бір бөлігі тау жынысын ауаға шашты. Және қалған бөлігі жылу энергиясына айналды.

    Энергияның өзге формаларға түрленуі кезінде, мысалы кинетикалық энергия электр энергиясына түрленгенде, оның бір бөлігі әрқашан үйкеліс әсерінен жылуға айналып, салқынырақ қоршаған ортаға бөлінеді.

    Термодинамиканың 2-заңы

    Бұл термодинамиканың екінші заңы, ол заң бойынша энергияны бір түрден екінші түрге 100% пайдалы әсер коэффициентімен түрлендіру мүмкін емес.

    Құрылғының не жүйенің пайдалы әсер коэффициенті дегеніміз пайдалы жұмыстың жұмсалатын энергияға қатынасы.

    ПӘК = пайдалы жұмыс/жұмсалған энергия

    Ғалам – шектелген энергия қоры бар тұйық жүйе.

    Жерге соқтыққан астероид жаңа энергия әкелген жоқ. Ол тек ғаламның басқа жерінде болған энергияны біздің ғаламшарға алып келді.

    Бұл – термодинамиканың бірінші және екінші заңдарының іс жүзіндегі керемет мысалы.

  • Ұқсас фильмдер
  • Ұқсас фильмдер