Джон Ньюлендстің мұрасы

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Джон Ньюлендс атты химиктің музыкалық ноталарды химиялық элементтермен байланыстыру теориясы. Ғылыми қоғам оның ерекше теориясын қабылдады ма? Ол қазіргі химияның заңдарына сәйкес келе ме?

    Маңызды деректер

    • Джон Ньюлендс өз периодтық кестесінде элементтерді атомдық салмағына қарай орналастырды.
    • Оның кестесіндегі элементтер ұқсас қасиеттері бойынша сегіз қатарға орналастырылған.
    • Ньюлендс өзінің периодтық кестесін музыкалық шкаламен салыстырып, оны Октавалар Заңы деп атады.
    • Ньюлендс өзінің теориясы үшін жұрт алдында күлкіге қалды.
  • Транскрипт
  • Транскрипт

    Транскриптті жүктеу

    Фортепиано мен периодтық кесте арасында қандай байланыс бар?

    19-ғасырдың ортасында бір ғалым фортепианоның көмегімен ғылыми жұртшылыққа батыл пікір ұсынды.

    Оның теориясы арқылы қазіргі химия негізделіп, Ғаламның құрылуы туралы түсінігіміз қалыптасты.

    Джон Ньюлендс, 1863

    Джон Ньюлендс – элементтерді дұрыс тәртіпте орналастыруға тырысқан британдық химик.

    Ол 1863 жылы элементтерді, қазіргі атауы – салыстырмалы атомдық масса болып табылатын, атомдық салмағына қарай орналастып, ең алғашқы периодтық кестені жасады.

    Салыстырмалы атомдық масса

    Бұл кесте қазіргі периодтық кестеге ұқсас болып көрінеді, бірақ Ньюлендс кестесінің құрылымы мен реттелуі өзгеше болды.

    Ол таңғаларлық заңдылықты байқады.

    Оның кестесіндегі элементтер ұқсас қасиеттері бойынша сегіз қатарға орналастырылған тәрізді.

    Ньюлендс элементтер музыкалық гаммадағы ноталар секілді октавалармен орналасқанын байқады.

    Бұл ақылға қонбайтын ой болғанымен, ол осы заңдылықтың әр сегіз элемент сайын қайталанатынын көрсетті.

    Мысалы, литий сумен өте жақсы әрекеттеседі. Және сегіз элемент кейін тұрған натрий де сумен дәл осылай реакцияға түседі.

    Ньюлендс мұны "Октавалар заңы" деп атады.

    Октавалар заңы

    Бірақ оның теориясы өтпелі металдардың атомдық салмағымен үйлеспеді және ол әлі анықталмаған элементтерге бос орын қалдырмады.

    1865 жылы Ньюлендс өзінің теориясын ғылыми ортаға ұсынғанда, жұрт алдында күлкіге қалды.

    Ньюлендстің идеясын қолданып, оны өзінше дамытқан ғалым – Дмитрий Менделеев.

    Дмитрий Менделеев, 1869

    Төрт жылдан соң Менделеев өзінің периодтық кестесін жариялады.

    Ньюлендстің Октавалар заңы оған ой салды.

    Және оны қасиеттері ұқсас топтар идеясы қызықтырды.

    Сонымен, Ньюлендстің теориясы өз кезінде дұрыс бағаланбаса да, оның идеясы бізге элементтердің дұрыс тәртіпте орналасуы туралы түсінігімізді қалыптастыруға көмектесті.

  • Ұқсас фильмдер
  • Ұқсас фильмдер