Флогистон қарғысы

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    17 ғасырда неміс ғалымы Иоганн Бехер қосылыстар жанған кезде флогистон элементі бөлінеді деп ойлады. Ол қателесті, және оның бұрыс теориясы ертедегі көптеген химиктердің өздерінің кейбір ұлы жаңалықтарын дұрыс түсінбеуіне алып келді.

    Маңызды деректер

    • Иоганн Беккер кез келген жанғыш заттың құрамында флогистон болатынын мәлімдеді.
    • Флогистон туралы теория химиктерге элементтердің табиғи күйін анықтауға кедергі жасады.
    • Генри Кавендиш сутекті ашқанын түсінген жоқ.
    • Джозеф Пристли оттегіні ойлап тапқанын ұқпады.
  • Транскрипт
  • Транскрипт

    Транскриптті жүктеу

    17 ғасырдың соңында бір адам химиктерге 100 жылдан аса уақыт бойы қиындық туғызатын пікір ұсынды.

    Иоганн Бехер, 1667

    1667 жылы неміс химигі Иоганн Бехерді заттар жанғаннан кейін не болатыны қызықтырды.

    Ол барлық жанғыш заттар көзге көрінбейтін, бірақ маңызды "флогистон" деп аталатын заттан тұрады деп болжады.

    Флогистон

    Жану кезінде түссіз, иіссіз зат бөлініп, таза, флогистоннан ажыраған зат қалады.

    Флогистон көпшілік мақұлдаған теорияға айналды, сол заманның мықты химиктері оның растығына күмән келтірмеді, бірақ қазір мұның мүлдем қате теория екендігі бәрімізге белгілі.

    Генри Кавендиш, 1766

    Бехер теориясы ұсынылған кезден 100 жыл өткен соң, химик Генри Кавендиш қышқылға мырышты қосып, тәжірибе жасады. Ол бөлінген газды жинап, оның жанғыш екенін байқады.

    Сутегі H

    Ол сутегін бөліп алды, ал қазіргі таңда сутегі ең кең таралған және маңызды элементтердің бірі ретінде белгілі.

    Бірақ Кавендиш жаңа элементті тапқанын түсінген де жоқ.

    Ол өзінің жолы болып, ұстатпайтын флогистонты бөліп алдым деп ойлады және кәдімгі ауа секілді флогистоннан тұратын жанғыш ауа бар деп болжады.

    Джозеф Пристли, 1774

    Кейіннен 18 ғасырда, басқа химик Джозеф Пристли химия тарихындағы ең маңызды жаңалықтардың бірін ашты.

    Бірақ ол да флогистонның салдарынан мұның маңызын түсіне алмады.

    Пристли сынап оксидін түтікке салып, оның үстінен сұйық сынапты құйды.

    Ол қоспаны қыздырып, сынап қабатының төмен түскенін байқады.

    Бөлінген газ өшіп бара жатқан көмір түйірін қайта жандырды.

    Пристли газдың құрамында флогистон жеткілікті болмағандықтан және флогистон оны қайта жандыру үшін қайта оралғандықтан, осындай жағдай орын алды деп ойлады.

    Бірақ ол іс жүзінде ең алғаш рет оттегін айырып алған еді.

    Сынап оксиді → оттегі + сынап. 2HgO(қ) → 2Hg(с) + O2(г)

    Ол қоршаған орта түгелдей оттегіден тұратынын және осы маңызды элементті ең бірінші рет айырып алған да өзі екенін білмеді.

    Химиктердің флогистон теориясына алаңдауы олардың элементтер табиғатын түсінуіне кедергі келтірді.

  • Ұқсас фильмдер
  • Ұқсас фильмдер