Атомдық құрылыс

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Периодтық кесте бізге элементтер және олардың қасиеттері мен белсенділігі жайлы не айтады? Неліктен әр элемент атомдық нөмірімен анықталады?

    Маңызды деректер

    • Атом құрылымы неліктен элементтер нақты бір тәртіппен орналасатынын түсіндіреді.
    • Генри Мозли элементтерді атом саны бойынша орналастырды.
    • Атом саны – нақты элементтің бір атом ішінде болатын протондар саны.
    • Периодтық кесте элементтерді атомдық құрылымы және химиялық қасиеттері бойынша байланыстырады.
  • Транскрипт
  • Транскрипт

    Транскриптті жүктеу

    Дмитрий Менделеев, 1869

    1869 жылы алғаш ұсынылған Менделеевтің периодтық кестеcі заманынан озық жаңалық еді.

    Дегенмен де кейін Менделеевтің кемел жүйесіне маңызды түзету енгізілді.

    1913 жылы Генри Мозли элементтерді салыстырмалы атомдық массасына емес, атомның реттік нөміріне, яғни ядродағы протондар санына қарай ретке келтіруді ұсынды.

    Генри Мозли, 1913

    Атомның реттік нөмірі = протондар саны

    Сол арқылы әр элементті анықтайтын тұрақты әрі бірегей бүтін сан екендігі көрсетілді.

    Протон саны қатар бойынша артып отырады. Мәселен, үшінші қатар 11 протоны бар натрий, 12 протоны бар магниймен басталып, 18 протоны бар аргонмен аяқталады.

    Бір протоны бар сутек пен 92 протоны бар уранға дейін табиғатта 92 элемент қана кездесетіндігі анықталды.

    Осылайша, ашылуы мүмкін элементтер санының шексіз еместігі және химиядағы табиғи реттіліктің бар екені көрсетілді.

    Қасиеттері ұқсас элементтерді топтастыру жұмбағының шешімі олардың атомдық құрылысына да байланысты еді.

    Олар электрондар санының артуына қарай ядро айналасындағы әртүрлі энергетикалық деңгейлерде орналасады.

    Сутектен гелийге дейінгі бірінші период екі электроннан тұратын бірінші энергетикалық деңгейге сәйкес келеді.

    Электрондардың екінші энергетикалық деңгейі литийден неонға дейінгі екінші период элементтерінің бойымен,

    ал үшінші энергетикалық деңгей натрийден аргонға дейінгі элементтерінің бойымен сегіз электронға дейін толады.

    Бір топтағы элементтердің сыртқы энергетикалық деңгейлеріндегі электрондар санының бірдей болуы элементтердің өзара ұқсастығы мен химиялық белсенділігін анықтайды.

    Топ нөмірі = сыртқы деңгейдегі электрондар саны

    Бірінші топтағы элементтердің сыртқы деңгейінде тек бір ғана электрон болатындықтан, олардың химиялық белсенділігі жоғары болады.

    "Галогендер" деп аталатын, 7-топтағы барлық элементтердің сыртқы деңгейінде жеті электрон болады.

    Элементтердің топ ішінде орналасуы олардың энергетикалық деңгейлерінің артуымен түсіндіріледі.

    Осылайша, элементтерді атомдық құрылысына және химиялық белсенділігіне қарай бір жүйеге келтіру мүмкін болды.

    Менделеевтің болжамы расталды.

  • Ұқсас фильмдер
  • Ұқсас фильмдер