Фосфордың ашылуы

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Фосфор элементін шелек несепті қайнату арқылы алған Хенниг Брандтың оқиғасы. Бұл тәжірибенің неліктен қазіргі кезде химиялық элементтердің ашу жолын салғанын анықтаңыз.

    Маңызды деректер

    • Элементтер күрделірек материалдарда жасырын келуі мүмкін.
    • Хеннинг Брэнд фосфорды 1669 жылы ашты.
    • Фосфор зәрді қайнату арқылы алынды.
    • Фосфор біздің сүйегімізде, ДНҚ-да, ұлпаларда және қанда кездеседі.
  • Транскрипт
  • Транскрипт

    Транскриптті жүктеу

    Бұл оқиға бір кездері ғылым әлеміндегі ең үлкен жұмбақтардың бірі еді, оны шешуге 50 шелек несепті қолданған жаңашыл тәжірибе көмектесті.

    Жүздеген жылдар бұрын, бізді қоршаған дүние неден құралғанын ешкім түсіне алмады.

    Біз бүгінде жоққа шығаратын көптеген пікірлер сол кезде пайда болды. Мәселен, гректердің кез келген заттың негізгі төрт элементтен: ауа, от, топырақ және судан тұратындығы туралы сенімі.

    Бұл кездері адамдар енді ғана әркелкі материал түрлерінен жаңа тәжірибелер жасай бастаған еді. Олар материалдарды өзгертіп көргісі келді. Химияның ғылым ретінде қалыптасуының алғашқы кезеңі осындай болған.

    Мұндай алғашқы тәжірибелер заттың құпия әлемін ашуға деген тілекпен іске асырылды. Бірақ оларда не нәрсемен жұмыс жасап жатқандары туралы мүлде пікір болмаған еді.

    Хенниг Бранд, 1669 жыл

    17-ғасырда Германияда алхимик Хенниг Бранд несептің сары түсіне қызығып, оған тәжірибелер жасай бастады.

    Др. Андре Селла, Лондон университеттік колледжі – "Алхимиктердің бір пікірі былай болатын: шын мәнінде, адамзат – әлемнің кішкене бөлшегі . Сол себепті, іс жүзінде несеп өмір сүру үшін қажет күшті, өмірлік күшті тасымалдайды және қуат көзі болып табылады."

    Бранд несепті сироп тәрізді сұйыққа айналғанша тазартып, бірнеше күн бойы жоғары температурада қыздырды.

    Др. Андре Селла, Лондон университеттік колледжі – "Бранд, шын мәнінде, материяның негізін табуға тырысты. Ол алдымен несептің қажетсіз компоненттерін, әсіресе суды алып тастау үшін соңына дейін қайнатты."

    Оның иісі адам төзгісіз еді, бірақ тәжірибеден кейін түтіннен шыққан заттың ұсақ түйіршіктері қалды.

    Ауамен әрекеттескенде, оның бөлшектері жарқырап жанды.

    Бранд еріксізден құпия элементтің сырын ашқан алғашқы адам болды. Ол бүгінде бізге фосфор ретінде мәлім элементті ашты.

    Фосфор

    Др. Андре Селла, Лондон университеттік колледжі – "Фосфор –биологиялық тұрғыдан алғанда өте, өте маңызды элемент. Егер ойлап қарасаңыз, біздің сүйектеріміз кальций гидрофосфатынан тұрады. Ол тіпті адам ДНҚ-сында, барлық ұлпаларда да болады. Демек қанның құрамында да фосфат бар, оның артық бөлігі несеп арқылы шығарылады."

    Жанғыш жаңа элемент- үлкен жаңалық туғызды. Және сіріңкенің жасалуына себепші болды.

    Бірақ Хенниг Бранд жаңалығының ең маңыздысы – элементтердің күрделі материалдарда тығылып жатуы мүмкін екендігін көрсетуі.

    Несепті қайнатып, алмағайып тәжірибе жасағанының арқасында Хенниг Бранд материяны құрайтын шынайы элементтерді танып-білу үшін алғашқы қадам жасады.

  • Ұқсас фильмдер
  • Ұқсас фильмдер