+7 (727) 344 95 95
Қазақша

Телескоптар

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Телескоптар біздің Ғаламның кереметтерін көзбен көруге мүмкіндік берді. Оларды кім ойлап тапты және олардың даму тарихы қандай?

    Маңызды деректер

    • Алғашқы оптикалық телескоп 1608 жылы жасалды.
    • Ертедегі телескоптар дөңес линза мен окулярдан тұрды.
    • Кейінгі телескоптар жарықты шағылдыру үшін ойыс айналарды пайдаланды.
    • Заманауи телескоптар толық электромагниттік спектрді, радио толқындарынан бастап гамма сәулелеріне дейін көруге қолданылады.
  • Транскрипт

  • Транскрипт

    Транскриптті жүктеу

    Ғарыш әлемінің таңғажайып көріністерін аса маңызды арнайы құрал болмағанда, тамашалай алмас едік.

    Бұл – телескоп.

    Аспан денелері алыстан көмескі әрі майда болып көрінеді, бірақ телескоптың көмегімен олардан мол жарық жинап, анық әрі үлкейтілген бейнені көре аламыз.

    Алғашқы оптикалық телескоптар 1608 жылы құрастырылды.

    Телескопты ойлап тапқандар: Ханс Липперсгей, Захарий Янсен

    Олардың қарапайым құрылысы жарық толқындарының сыну қасиетіне негізделген.

    Жарықтың сынуы – жарық толқындарының иілуі. Бір ортадан екінші ортаға өту

    Рефракторлар дөңес линзадан және окулярдан құралады.

    Линзалы телескоптар, Дөңес линза сыртқа қарай иілген

    Жарық телескопқа линза арқылы енеді де, окулярдан өтпестен бұрын, бір нүктеге жиналады.

    Сол кезде кескін бақылаушыға үлкен болып көрінеді.

    Осы тәрізді телескоптың көмегімен Галилей аспанды бақылаған еді.

    Галилео Галилей, Қазіргі астрономияның атасы

    1616 жылы жарықтың шағылу қасиетіне негізделген алғашқы телескоп құрастырылды.

    Жарықтың шағылуы: Толқынның беттен шағылуы

    Исаак Ньютон 1668 жылы оның құрылысын дамыта түскен.

    Исаак Ньютон, Айналы телескопты дамытқан

    Жарықтың параллель сәулелері телескопқа еніп, ойыс айнадан шағылады.

    Рефлектор. Ойыс линза ішке қарай иілген

    Содан соң жарықтың жиналатын жері – окулярға енбестен бұрын, екінші айнадан қайта шағылады.

    Бүгінгі таңда кәсіби және әуесқой астрономдар телескоптардың сан алуан түрін пайдаланады.

    Телескоптардың барлығының да құрылысы басты қағидаға негізделген десек те, үлкен телескоптардың басым бөлігінде кескіндерді жазуға арналған камера, тетік тәрізді детекторлар орнатылған.

    Телескоптар ғарыштағы көзге көрінетін жарықты анығырақ көру үшін ғана қолданылмайды.

    Сонымен қатар, телескоптың көмегімен радиотолқындардан бастап гамма-сәулелерге дейінгі барлық спектрлерді көруге болады.

    Телескоп шынымен де Ғаламның ғажайыптарын тамашалауға мүмкіндік берді.

  • Ұқсас фильмдер

  • Ұқсас фильмдер