Киттингер: Ғарыштағы алғашқы адам ба?
Сынып бөлмесінде көру
- Фильм жайлы ақпарат
-
Фильм жайлы ақпарат
Фильмнің қысқаша мазмұны
Юрий Гагарин Жер орбитасына шыққанға дейін бір адам Жер атмосферасынан тыс ғажайып сапар шегіп келді. Ол адамды ғарышқа алғаш сапар шеккен адам деп есептеуге болады ма?
Маңызды деректер
- Экзельсиор ІІІ жобасының негізгі міндеті Америкалық әуе күштерінің миссиясы аса жоғары биіктіктерден парашютпен секіруді сынау болды.
- Осы миссияның бөлігі болып Колонель Джо Китинджер ғарыштағы алғашқы адамға айналды.
- Китинджер стратосфераға гелий әуе шарымен енді.
- 1960 жылы 16 тамызда ол жер бетінен 30 км қашықтыққа дейін көтерілді.
- Жай ғана скафандрмен Китинджер өзінің Гондоласынан 31 км биіктікке секіріп, шамамен бес минут бойы еркін түсіп, құлау жылдамдығы 1000 км/сағ-қа дейін жетті.
- Транскрипт
-
Транскрипт
1961 жылы ғарышқа алғаш рет ұшып, Жерді айналған адам, Кеңес Одағының ғарышкері Юрий Гагарин болатын.
Бірақ техникалық тұрғыдан қарағанда, ғарышта болған тұңғыш адам ол емес деген де пікір бар.
Одан сегіз ай ғана бұрын, АҚШ әскери-әуе күштерінің офицері Джо Киттингер Жердің ішкі атмосферасынан 31 километр биіктікке тұңғыш рет қауіпті экспедиция жасаған адам болатын.
16-тамыз 1960 ж.
Ол мұны ғарыш кемесінде емес, гелий толтырылған шарда жасады!
Полковник Джо Киттингер, АҚШ Әуе күштері – “Осыған дейін мұндай биіктікке ешкім көтерілген емес. Бұл адамның ашық ғарыш кеңістігінде іс жүзінде тұңғыш рет болуы. Сондықтан мен қалай болады екен деп біраз уайымдадым.”
Киттингер жоғары биіктіктен катапультамен секіруді сынайтын "Эксельсиор III" жобасына қатысқан болатын.
"Эксельсиор III" жобасы
Киттингер алдында тұрған тапсырманың қаншалықты қауіпті екенін жақсы түсінетін. Алдыңғы талпынысы кезінде жабдығының ақауы салдарынан ол есінен танып, өлім аузынан аман қалған болатын.
Тіршілікті қамтамасыз ету жүйесі жоқ. Киттингерді тек скафандр ғана қорғады
Бір жарым сағат ішінде Киттингердің гондоласына бекітілген гелий толтырылған шар тропосферадан өтіп, стратосфераға жетті, яғни осыған дейін ешкім жетпеген биіктікке көтерілді.
Тропосфера, Жер бетінен биіктігі – 20 км. Стратосфера, Жер бетінен биіктігі – 50 км
"Мен төмендегі бұлттарды, атмосфераны және тұман қабатын көрдім. Сол сәтте менің тұла бойым өте терең сезімдерге толы болды. Айналаның соншалықты қауіпті екенін аңғардым, бірақ жер бетінен тек, 32 километр ғана биіктікте болатынмын."
Киттингер озон қабатынан өтті
Бұл биіктіктегі орташа температура: -70°C
Жер бетінен 30 км биіктікке тұңғыш көтерілген адам баласы тура осы жерде өмір мен ажал арасында таңдау жасауы керек болды.
Киттингер бұдан да жоғары көтерілгенде, скафандры оны жұқа атмосфера қабаты мен суықтан құтқарып қала алмайтын еді.
"Мен ішімнен дұға оқыдым, түймені басып, камераны іске қостым да, гондоладан секірдім. Сосын бұрылып қарағанымда, әуе шарының аспанға қарай өте қарқынды жылдамдықпен ұшып бара жатқанын көрдім. Сонымен, әуе шары қозғалмай,ал, мен өте тез жылдамдықпен төменге қарай құлап бара жаттым."
Ол рекордты жаңартып, төрт жарым минуттың ішінде сағатына 1000 километр жылдамдықпен төменге қарай еркін құлады.
1960 жылдың 16 тамызында ғарышты игеру тек ғылыми қиял болған уақытта, Киттингер стратосфераның бұрын-соңды ешкім бағындырмаған биіктігіне дейін жетіп, адам мүмкіндіктерінің көкжиегін кеңейтті.
- Ұқсас фильмдер
-
Ұқсас фильмдер
Ғаламның өлшемдері
Қара құрдымдар
Құс жолының қара құрдымы
Телескоптар
"Хаббл" ғарыштық телескобы
Айналар қалай жасалады?
Қара материяны іздеу
Жарық жылы дегеніміз не?
