"Хаббл" ғарыштық телескобы

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Жерден 400 миль қашықтықта айналатын Хаббл телескопында жұмыс істейтін ғалымдар телескопқа бірнеше нұсқаулықтар беру арқылы оның ақауын қалай түзеді?

    Маңызды деректер

    • Хаббл телескопын 400 000-нан астам бөліктен құрастыру үшін сегіз жыл кетті.
    • Басында, Хаббл телескопының айнасындағы ақаулық шайылып кеткен бейнелерден болды.
    • 1993 жылы Хаббл телескопының қате айнасы Телескоптың Осьтерін Ауыстыратын Оптикалық Түзету Жүйесін (COSTAR) пайдаланып жөнделді.
    • Хаббл телескопы ғарышкерлерге ғарыштағы 10 миллиард жарық жылына тең қашықтықты көруге мүмкіндік берді.
  • Транскрипт
  • Транскрипт

    Транскриптті жүктеу

    1990 жылдың 24 сәуірінде "Эндевор" атты ғарыш кемесі біздің Ғалам туралы түсінігімізді өзгертетін осал жүкті тиеп, ғарышқа ұшырылды.

    Оны құрастыруға сегіз жыл уақыт кетті.

    Әлемнің 13 елінен жиналған ғалымдар мен инженерлер 400 000-нан астам бөлшекті біріктірді.

    Доктор Чарльз Пеллерин, НАСА Астрофизика бөлімі – "Құралдар жұмыс істеп тұрды, есіктері ашылып, бар тетіктері қосылды, барлығы дұрыс еді. Біз супер телескоп құрастырдық."

    Бұл әлемдегі ең ірі ғарыш телескобы - "Хаббл" еді.

    Өз орбитасынан Жерден 650 километр және Жер атмосферасы бөгет болмайтын биіктіктен, телескоп осыған дейін көрінбей келген ғарыштың айқын бейнесін көрсету керек болатын.

    Алайда "Хаббл" түсірген алғашқы көріністер ғалымдар күткендей анық болған жоқ.

    "Телескоп фокусын нақтылай алмады. Бұл мүмкін емес еді. Енді қайттық деп бас қатырдық."

    Оған себеп "Хабблдың" негізгі айнасының пішінінде ақау болғандығынан еді.

    Сыртқы бөлікке түсетін жарық бір жерде,

    ал ішкі айнаға түскен жарық өзге жерде жинақталған еді.

    Осы екеуінің арасындағы қашықтық әсерінен детекторлар анық бейнені қабылдай алмаған.

    "Хаббл" бағдарламасы мен НАСА үшін басты қиындық осы болды.

    Доктор Эд Вейлер, НАСА Ғарыштық зерттеулер бөлімі – "Баспасөз-конференциясында "Хабблдың" сфералық аберрациясы туралы жария етілген күн – мен үшін ең сәтсіз күн болды. Бағдарлама осымен жабылды деп ойладым."

    Миллиардтаған доллар ақша мен қыруар жұмыс бекер болды.

    Миссияны құтқару мүмкін бе еді?

    Соңында мұның шешімі оңай болып шықты:

    "Хабблға" көзілдірік қажет еді

    Көзілдірік ретінде "Хабблға" "КОСТАР" деп аталатын оптикалық коррекция жүйесінің әйнектері қойылатын болды.

    Ғарыштық телескоптың оптикалық коррекция жүйесі

    Жарық осы әйнектер арқылы өтіп, дұрыс бағытта шоғырланады, нәтижесінде анық сурет шығуы тиіс еді.

    1993 жылы ғарышкерлер "Хабблға" жаңа әйнек орнату туралы тапсырма алды.

    "Заула, Хьюстон. Үлкен үміт артамыз. Біз дайынбыз. Ақауды жөндейік!"

    "Сол камера дұрыс жұмыс істей ме? КОСТАР қосыла ма? Әлгі көзілдірікті дұрыстап таңдай алдық па?"

    "Әдетте "Хабблда" белгілі бір себептерге байлансты бәрі түнде болады, алғашқы суреттерді түнгі 1-де алдық. Бейнелер біртіндеп айқындалғанда, өте жарық жұлдыз көрінді".

    "Хабблдың" көмегімен астрономдар ғарышты он миллиард жарық жылына дейін тамашалай алды, мұндай алысқа біз әлі көз салып көрмеп едік.

    Осының барлығы "КОСТАР" көзілдірігінің арқасы еді.

  • Ұқсас фильмдер
  • Ұқсас фильмдер