+7 (727) 344 95 95
Қазақша

Жанартаулар: Дамыған елдердің қарсы әрекеттері

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    1980 жылдың күзінде Вашингтон штатындағы Сент-Хеленс тауындағы жанартау адамзат тарихындағы ең жойқын күшпен атқылады. Алайда экономикасы жоғары дамыған елдің бұл апатқа дайындығы және тез бақылауға алуы арқасында адамдарға әсерінің алдын алды.

    Маңызды деректер

    • 1990 жылы 18 мамырда АҚШ-тағы Вашингтон штатындағы Сент-Хеленс тауында тарихтағы ең үлкен жарылыс болды, алайда мұнда аз ғана құрбан болды.
    • ЭЖДЕ бөлігі ретінде Вашингтон штатының көмек және қайта қалпына келтіру үшін инфрақұрылымдары бар болған.
    • Ғалымдар бұл оқиғаны бір апта бұрын болжап, 2000-нан аса жергілікті тұрғын эвакуацияланды.
    • $1 миллиардтық көмек қоры АҚШ Конгресі арқылы бұл аумақты тазарту, шығындарды өтеу үшін бөлінген болатын.
  • Транскрипт

  • Транскрипт

    Транскриптті жүктеу

    Вашингтон штаты, АҚШ1980

    Сент-Хеленс тауы. 18 мамыр, 1980 жыл

    1980 жылдың көктемінде, Сент-Хеленс тауында бірқатар жер сілкінісі болды.

    Оның салдары тарихтағы ең үлкен көшкінге әкелді.

    Көшкін әсерінен бүйірлік жарылыс орын алып, ені 400 метрді құрайтын жанартау кратері қалыптасты.

    Кратерден ыстық күл, пемза және жанартау газынан құралған пирокластикалық ағындар атқылады...

    Жел күлді жүздеген километрге ұшырып, қараңғылыққа себеп болды.

    Бұл бұрын-соңды болмаған ең жойқын жанартау атқылауы деп танылды.

    Солай бола тұра, бұл апаттан зардап шеккендер саны көп болмады.

    Бірақ Вашингтон штаты адам шығыны мен жойқын апат салдарынан қалайша аман қалды?

    Атқылау салдарымен күрес

    «Мен төтенше жағдай жариялаймын және адамдарды сабырлыққа шақырамын. Барлықтарыңыз үйден шықпауға тырысып, көлік қозғалысында сағатына 15 мильдік шектен аспауға үндеймін»

    Америка Құрама Штаттары - экономикасы дамыған ел болып саналады.

    Дамыған елдер

    Яғни Вашингтон штатының инфрақұрылымы апаттарға төтеп беруге дайын және оның салдарын бақылауда ұстауға мүмкіндігі бар.

    Ғалымдар атқылауды бірнеше апта бұрын болжап, апат орнына жақын аймақтан шамамен 2000-дай адам көшірілді.

    Көрші аймақтағы адамдарға үй ішінде қалып, маска кию қажеттігі ескертілді...

    Әуежай, автокөлік және теміржол қатынасы өз жұмысын уақытша тоқтатты.

    Апаттан кейінгі алғашқы айда АҚШ Конгресі зардап шеккендерге қысқа және ұзақ мерзімді қолдау көрсету үшін көмек қорынан бір миллиард долларға жуық қаражат бөлді.

    Күлдің әсерінен егістіктің басым бөлігі бүлінді, кәріз және су тазалау жүйелерінде түрлі ақаулар пайда болды. Алайда, мұның бәрі уақытша қиындық еді, жедел тазалау жұмыстарының арқасында бәрі тез-ақ қалпына келді.

    Жанартау атқылауынан кейін Сент-Хеленс аумағында жұмыссыздық өршіді, бірақ түскен күл Шығыс Вашингтон жерінің құнарлығын арттырып, ауыл шаруашылығына септік етті.

    Тез арада қолға алынған тазалау жұмыстары мен Сент-Хеленс тауын бақылау шаралары туризмнің дамуына әсер етті.

    2004 жылы жанартау қайта белсенділік таныта бастады. Алайда, ғалымдар 1980 жылдағыдай атқылаудың жақын арада қайталанбайтындығына сенімді.

    Қалай болғанда да, Вашингтон штаты ондай апатқа қарсы тұруға сақадай сай.

  • Ұқсас фильмдер

  • Ұқсас фильмдер