+7 (727) 344 95 95
Қазақша

Помпейдің соңғы күні

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Помпей тұрғындары көрші Везувий тауы жасаған ескертулерге құлақ асқан жоқ. Жанартау атқылауының салдарынан қала түгелдей жойылып, 1500 жыл бойы күл астында қалды.

    Маңызды деректер

    • Б.з. 79 жылы 24 тамызда белсенді емес Везувий тауы атқылап, аспанға 15 км қашықтыққа дейін балқыған тау жыныстары шашырады.
    • Помпейге 4 миллиард тонна тас кесектері мен күл жаңбыр болып жауып, күн жарығын жауып тастады.
    • Пирокластикалық толқындар қала мен тұрғындарды жермен-жексен етті, қала жанартау күлімен басылып қалды.
    • 1594 жылы Помпей кездейсоқ түрде қайтадан жаңарды.
  • Транскрипт

  • Транскрипт

    Транскриптті жүктеу

    Римдегі Помпей қаласы, б.з. І ғасыры.

    Помпей, Италия, Б.з. 79 жыл

    Неапольге көрші, өзі ауқатты, қайнаған тіршілік ошағы Везувий тауының маңында орналасқан болатын.

    Ғасырлар бойы үнсіз жатқан үлкен жанартаудан Помпей тұрғындары әсте қорықпайтын.

    Бірақ Везувийдің астындағы балқыған тау жынысы жер қыртысынан жылыстап шыға бастады.

    Алып тау оған тығыз тығын болып, жанартау ішіндегі қысым ақырындап арта берді.

    Б.з. 79 жылы 24 тамыз күні таңертең Помпей қаласы жойылудың алдында тұрды.

    24-тамыз, б.з. 79 ж.

    Ақырында, жанартау балқыған жыныстарды 15 километр биіктікке лақтырып, атқылай бастады.

    Әуедегі ыстық тау жынысы Күннің жарығын жауып, айналаны түнек басты, суыған жыныс қалаға тас кесектері, күл және жауын болып жауды.

    Кеуектас – қатқан лава

    Жиырма төрт сағат ішінде Помпейге 4 миллиард тонна күл жауды.

    Күл мен магма ауада өзара соқтығысып, жанартау жарқылын тудырды.

    Атқылау магма бітіп, ошағы босап қирағанша жалғасты.

    Помпейге бағытталған бірінші пирокластикалық ағын басталды.

    Пирокластикалық ағын

    Ыстық күл, кеуектас пен жанартау газы көшкінге айналып, Помпейге қарай сағатына 100 километр жылдамдықпен жүрді.

    Алғашқы толқын қалаға дейін жетпеді.

    Әйтсе де, көп адам улы газ бен күлден тұншығып, көз жұмды.

    Атқылау басталған сәттен араға 16 сағат салып, жанартау бағаны бар қаһарын көрсетті.

    Пирокластикалық толқындар үйлерді бұзып кіріп, құрбандарын әп-сәтте күл мен кеуектастарға орады.

    Қала мен оның тұрғындары қатқан күлге айналды.

    Везувий тауы Помпейді 25 метрлік жанартау жынысы мен күлге көмді.

    Помпей араға 1500 жыл салып, 1594 жылы кездейсоқ ашылды.

    Оның ғимараттары мен тұрғындары күлге оранып, мәңгіге сақталып қалды.

  • Ұқсас фильмдер

  • Ұқсас фильмдер