Сағаттық белдеулер
Сынып бөлмесінде көру
- Фильм жайлы ақпарат
-
Фильм жайлы ақпарат
Фильмнің қысқаша мазмұны
Сағатта көрсетілген уақыт біз ойлағаннан да күрделі. Ғаламшар бойымен қозғалыс кезінде уақыт қалай және неліктен өзгеретінін және бұл өзгерістер бізге қалай әсер ететінін анықтаңыз.
Маңызды деректер
- Жер бетіндегі бойлық сызықтарға байланысты біріккен аумақтар болып саналатын 24 сағаттық белдеу бар.
- Жергілікті уақыт қай уақыт белдеуінде тұрғандығыңызға байланысты.
- 1884 жылы Гринвич меридианы бойынша Орташа уақыт анықталып 1929 жылға қарай барлық елдер сағаттарын сол бойынша түзетті.
- Дәл қазір де сағат әлемнің түрлі аймағында әртүрлі уақытты көрсетеді.
- Транскрипт
-
Транскрипт
Сағат неше болды?
Оп-оңай сұрақ сияқты.
Бірақ кез келген сәтте әлемнің әр жерінде уақыт әртүрлі болады.
Біреулер таңғы сағат 7-де таңғы асын ішіп жатса, тура сол сәтте басқа біреу кешкі ондарда ұйқыға кетеді.
Сағаттық белдеулер
Жергілікті уақыт сіздің қай сағаттық белдеуде тұрғаныңызға байланысты.
Сағаттық белдеу дегеніміз – бойлық сызықтарымен анықталатын Жердің бөліктері.
Бұл сызықтар «меридиандар» деп аталады, олар өзара 15 градус қашықтықта, Солтүстіктен Оңтүстік полюске қарай тігінен жүргізілген.
Меридиандар жер шарын 24 сағаттық белдеуге бөледі.
Жер шарының айналуына орай көрші белдеулердің уақыт айырмашалығы бір сағатқа тең.
Егер бір меридианда күндізгі 2 болса, 30 градус батысқа қарай, яғни 2 сағаттық белдеуден кейін, екі сағат ерте уақытты көрсетеді. Яғни мұнда қазір тал түс болар еді.
0 мен 24¬-ші белдеу аралығында Күннің ауысу сызығы жатыр, ол жерде уақыт келесі күнге өтеді .
Бірақ оның қай уақытта және қай жерде болатындығын кім шешті?
Гринвич бойынша орташа уақыт
Бұл шешім - 1884 жылғы тарихи оқиғаның нәтижесі.
Сэр Стендфорд Флеминг. Өнертапқыш, 1827 - 1915
Халықаралық меридиан конференциясында, Канадалық Сэр Стэнфорд Флеминг уақыт Лондонның сол кездегі бас сауда және кеме қатынасының орталығы болған Гринвичтен басталады деп ұйғарды.
Осылайша Гринвичті келісілген ортақ меридиан ретінде белгілей отырып, 24 сағаттық белдеу бекітілді.
Бұл жүйе Гринвич бойынша «орташа уақыт» деп аталды.
1929 жылға қарай көптеген елдер өз уақыттарын сағаттық белдеулерге сәйкес бекітті.
Халықаралық сапар
Адам ағзасындағы биологиялық сағат өзі тұрып жатқан сағаттық белдеуге икемделеді, сол себепті басқа сағаттық белдеуге өту адамға кері әсерін тигізуі мүмкін.
Мәселен, біреу Лондоннан Лос Анджелеске жол жүрсе, оның биологиялық сағаты 8 сағат артта қалады.
Соның салдарынан ұйықтайтын кезде қарны ашып, ояу жүретін кезде ұйқысы келіп, мазасы кетеді.
Cағаттағы уақыт бірнеше ғасыр бұрын бекітілген.
Бірақ адам қайда барса да, ол тұрақты түрде өзгеріп отырады.
- Ұқсас фильмдер
-
Ұқсас фильмдер
Жер бедерін суреттеу тәсілдері
Картографиялық басқарманың карталары
Бойлық мәселесі
Теңізді картаға түсіру
