Картографиялық басқарманың карталары

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Әскери-топографиялық түсірілімдер арқылы жүздеген жылдар бойы карталар жасалуда. Алғашқы әскери-топографиялық карталар жасалғаннан бері карта жасау әдістері қалай өзгерді?

    Маңызды деректер

    • Британия мемлекеттік картографиялық басқарма тобы – британ үкіметінің картография бойынша агенттігі.
    • Мемлекеттік картографиялық басқарманың іргетасы 1791 жылы қаланған.
    • Алғашқы карталар Жерді өлшей отырып, қолмен сызылған.
    • Бүгінде Мемлекеттік картографиялық басқарма тобы Британияның аса үлкен электронды картасын шығару үшін ландшафтың аэрофототүсірілімін жасады. Мемлекеттік картографиялық басқарма жасаған карталарды апаттық қызметтен бастап кезбе адамдарға дейін қолданады.
  • Транскрипт
  • Транскрипт

    Транскриптті жүктеу

    Күн сайын Ұлыбританияның жер бедері өзгеріске ұшырауда.

    Осы өзгерістерді картаға түсірумен мемлекеттік карта жасау агенттігініне қарасты Британ картографиялық басқармасы айналысады.

    Зерттеушілер тобы мемлекеттік картографиялық басқарманың карталарын жаңа технологиялар көмегімен жаңартып отыруы тиіс. Бұлар соғыс кезінде жасалған алғашқы карталардан мүлдем бөлек.

    Пол Бичемп. Картографиялық басқарма, Ұлыбритания - "Мемлекеттік картографиялық басқарма 1791 жылғы Француз революциясының нәтижесінде құрылған. Қазіргі қорғаныс министрлігінің сол кездегі баламасы саналатын Артиллерия комитетіне француздардың басып кіруін алдын алу үшін Англияның оңтүстік жағалауын зерттеу туралы тапсырма берілді. Комитет тапсырманы орындап, әскери-топографиялық бейнелеу жүргізді. Мекеменің атауы осыдан бастау алады".

    1930 жылдар

    Алғашқы карталарды жасау үшін адамдар жаяу жүріп, жерді өлшеді.

    Олар «триангуляция» деп аталатын тәсілді қолданды.

    Триангуляция. Зерттеу алаңы үшбұрыштарға бөлінеді. Негізгі сызық пен бұрыштар өлшенеді. Басқа сызықтардың ұзындықтары тригонометрия арқылы анықталады

    Бұл триангуляциялық нүктелерді немесе геодезиялық нүктелерді биік төбелерде белгілеуден тұрады.

    Бұл нүктелер өлшемдер алынатын тұрақты орындар болатын.

    Осы дербес өлшемдерден аймақтық және мемлекеттік карталар құрастырылды.

    Бүгінде картографиялық басқарма тобы бұл жаяу триангуляция әдісінің орнына аспанға көтерілді.

    Аэро түсірулер 300 геодезияшыдан тұратын жердегі топтың көмегімен жүзеге асырылады. Олар ғимарат құрылыстары мен жол төсемдері сияқты жер бедеріндегі өзгерістерді тіркейді.

    Бұл ақпарат аэро түсіру тобына беріліп, олар жоғары дәлдікті камералар арқылы мыңдаған суреттер түсіреді.

    Жерге қайтып оралған соң, топтар Ұлыбританияның алып электронды картасын жаңарту үшін екі ақпараттар жиынтығын да қолданады.

    Күніне 5000-нан аса өзгерістер болуы мүмкін. Ал жылына бұл өзгерістер миллионнан асады.

    Картографиялық басқарманың карталарды жаңартуы көптеген адамдар мен қызметтер үшін маңызы зор.

    Құтқару қызметінен бастап, тауға жасалған сапарға дейін, картографиялық басқарма картасы үнемі өзгерісте болатын Ұлыбританияның күнделікті өміріне ауадай қажет.

  • Ұқсас фильмдер
  • Ұқсас фильмдер