Көлем: Жұлдыздарды санау

Транскрипт

Түнгі аспанға қарасаңыз, санауға келмейтіндей шексіз көп жұлдыздарды көресіз.

Ал телескопқа үңілсеңіз, жұлдыз саны одан да көп.

Сонымен, астрономдар аспанда қанша жұлдыз бар екенін қалай есептейді?

Құм түйіршіктерін санау

Ғаламның үлкендігі соншалық, ондағы жұлдыздарды санау құм қиыршықтарын санаумен бірдей.

Дәл осы ұқсастық мәселені шешуге мүмкіндік берді. Астрономдар жағажайдағы құм түйіршіктерінің санын көлемі арқылы қалай анықтаса, жұлдыздардың да санын солай анықтауға болатынын түсінді.

Көлем:

3D кеңістігіндегі заттың саны

Жағажайдағы құм санын есептеу үшін ең алдымен жағажайдың ұзындығы мен енін көбейту арқылы ауданды анықтау қажет.

Осыдан соң жағажай ауданын құмның орташа тереңдігіне көбейту арқылы құм қабатының көлемі айқындалады.

Одан кейін шағын үлгідегі құм түйіршіктерінің саны есептеледі.

Бұл сан жағажай көлеміне көбейтіліп, үлгі көлеміне бөлінеді.

Алынған нәтиже жағажайдағы құм түйіршіктерінің жуық санын көрсетеді.

Жұлдыздарды санау

Ғалам үшін үлгі ретінде галактикалар алынады.

Біздің галактикамызда шамамен 100 миллиард жұлдыз бар. Ал бүкіл Ғаламдағы галактика саны болжам бойынша 400 миллиардқа жуық.

Галактикалар мен ондағы жұлдыздар санын көбейту жұлдыздар санының 40 триллионға тең екендігін көрсетеді.

Ғалымдар әзірге олардың нақты санын білмейтіндіктен, шамамен осыған жуық деп сенеді.

Ол дегеніміз, Ғаламдағы жұлдыздар саны Жер бетіндегі құм түйіршіктері санынан 10 есе артық деген сөз. Шын мәнінде оның дәл санын есептеп шығару мүмкін емес.

Ұқсас фильмдер

Жуықтау: Ұлу мен Ғарыш кемесін салыстыру

Метр қаншалықты ұзын?

Топтағы адамдарды санау

Джай Сингх

Жердің жылдамдығы