Джай Сингх

Транскрипт

Транскриптті жүктеу

Үндістан

1727 жылы Үндістанның ұлы махараджасы жаңа қаланың негізін қалап, оны өз атымен атады.

Джай Сингх II 1688-1743 жж.

Джайпур қаласын жобалаған және салған король Джай Сингх ІІ еді. Ол ғылым мен білімге құштар математик әрі астроном болды.

Сауатты әрі танымы жоғары Джай Сингх 11 жасынан бастап, өз жеріне билік жүргізе бастады.

Өзінің Күннен жаратылғанына сенген Джай Сингх аспан құпияларын ашуға ұмтылды.

Ол мұны өзіне дейін ешкім жасай алмаған дәлдікпен жүзеге асырғысы келді.

Осылайша, ол бірқатар ірі обсерваториялар салуға кірісті.

Джантар-Мантар

Джайпур, Үндістан

Джай Сингх өз қаласы Джайпурда өте үлкен обсерватория тұрғызды.

Джантар-Мантар тас пен мәрмәрдан жасалған тоғыз ірі аспаптан тұрады.

Самрат Янтра

Биіктігі 27 метр Самрат Янтра жер бетінен бой көтеріп тұр.

Ол – өз көлеңкесімен уақытты анықтайтын әлемдегі ең үлкен күн сағаты.

Джай Сингх еуропалық өлшеуіш құралдарды бақылап, олардың ауқымы дәлдігіне әсер ететінін байқады.

Ол Самрат Янтраны өте ірі етіп салды, өйткені көлеңке үлкен болған сайын, уақыт та дәл көрсетілді.

Әр сағат сайын циферблаттан түскен көлеңке шамамен 3,6 метрге жылжиды.

Ал егер аспаптың көлемі тек жартысындай болса, онда көлеңке әр сағат сайын тек 1,8 метрге жылжып, дәлдік 2 есе төмен болар еді.

Көлемін ұлғайту арқылы Джай Сингх күн сағатының дәлдігін арттырды.

Оның көлеңкесі минут сайын 6 сантиметрге жылжып отырады.

6 сантиметр теңдей 30 бөлікке бөлінген.

Осылайша, күн сағаттары уақытты 2 секундқа дейінгі дәлдікпен көрсетеді.

18-ғасырда өлшемдер тек жай көзбен ғана бақыланатын еді, сол себепті дәлдіктің жаңа деңгейі маңызды жетістікке айналды.

Осының арқасында астрономдар күннің тұтылуы мен муссондарды болжай білді.

Осылайша, аса көрнекті инженерлік және астрономдық құралдары үшін Джай Сингх есімі тарихта мәңгі қалды.

Ұқсас фильмдер

Жуықтау: Ұлу мен Ғарыш кемесін салыстыру

Метр қаншалықты ұзын?

Топтағы адамдарды санау

Жердің жылдамдығы

Көлем: Жұлдыздарды санау