Ай

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Жердің табиғи серігіне кіріспе. Серікті серік ететін не?

    Маңызды деректер

    • Ай – табиғи серік.
    • Ай Жерді шамамен 28 күнде бір айналып шығады.
    • Ай Күн сәулесінің шағылуынан жарқырайды.
    • Айдың пішіні бір ай ішінде оның бетіне түсетін көлеңке әсерінен өзгереді.
  • Транскрипт
  • Транскрипт

    Транскриптті жүктеу

    Күн жүйесінің құрамында 160-тан аса табиғи серіктер бар. Олар ғаламшарларды айналады.

    Юпитердің Ганимед және Калисто сияқты кем дегенде

    63 серігі бар.

    Бізге ең танысы - сонау алыс әлемде емес, біздің ғаламшарымызды айналып тұратын - Ай.

    Ай

    Оның толық айналып шығуына шамамен 28 тәулік қажет.

    Бұл уақыт бізге бір туар ай ретінде белгілі.

    Туар Ай

    Диаметрі 3500 шақырымға тең Ай шамамен Жердің төрттен бір бөлігіндей.

    Өзі айналтын Жердің көлемімен салыстырғанда, Ай Күн жүйесіндегі ең үлкен

    серіктердің бірі болып табылады.

    Аспаны ашық түндерде ең жарық объект – Ай.

    Алайда ол жұлдыз емес.

    Ай – шаң-тозаңнан тұратын қарапайым тау жынысының жиынтығы.

    Оның жарық болып көріну себебі күн сәулесінің Ай бетіне шағылуында.

    Түнгі аспанда оның пішіні өзгеріп отырады.

    Бұл бізге Ай фазалары ретінде белгілі.

    Бұл өзгерістер Айдың бетіне түскен көлеңкемен байланысты.

    Оның Жерді айналу кезінде, біз оның Күнмен шағылған бетін ғана көре аламыз.

    Ай осы циклмен шамамен 29 жарым күн сайын өтеді.

    Айдың бетінде құйрықты жұлдыздар мен астероидтар құлауынан кратерлер пайда болған.

    Айдың айналасындағы атмосфера қабаты өте жұқа болғандықтан, бұл кратерлер ауа-райы әсерімен жойылып кетпейді.

    Құрғақ әрі кедір-бұдырлы бұл бедер, адам баласы араласпай, жақын уақытта өзгеріске ұшырамайды.

    Бұл Күн жүйесіндегі адам баласы аяқ басқан жалғыз орын болып қалуда.

    Шамамен 384 мың шақырым қашықтықта жатқан Айға адамзат баласының қадам басуы – біздің ең үлкен жетістіктеріміздің бірі.

  • Ұқсас фильмдер
  • Ұқсас фильмдер