Айдағы адам: 1-бөлім

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Ғалымдардың адамды Айға қондыру мақсатына жетуі және "бір алып секіріс" алдындағы ғажайып сәттердің оқиғасы.

    Маңызды деректер

    • 1962 жылы президент Джон Кеннеди АҚШ-тың Айға адамды қондыруды мақсат еткенін жариялады.
    • Нейл Армстронг, Баз Одрин мен Майкл Коллинзті айға алғаш рет қондыру алдында НАСА 508 үміткер астронавттарды тексерді.
    • НАСА-ның есептеулеріндегі салыстырмалы қателік "Аполлон-11" миссиясына қауіп төндірді.
    • Нейл Армстронг Тыныштық көліне небәрі 30 секундқа жететін отынмен Eagle модулін сәтті қондырды.
  • Транскрипт
  • Транскрипт

    Транскриптті жүктеу

    Президент Джон Кеннеди, 12-қыркүйек 1962 ж. – "Біз Айға ұшамыз! Біз Айға ұшамыз! Біз Айға осы онжылдықта ұшып барып, әлемді басқа да жетістіктермен таңғалдырғымыз келеді, біз мұны жеңіл емес, қиын болғандықтан істегіміз келеді."

    Бұл расымен де қиынға соқты.

    Бірінші белсенді ұшу сапары. 17-желтоқсан 1903 ж.

    Ағайынды Райттардың әуедегі алғашқы сапарынан кейін 60 жыл өтпей жатып, жаңа меже қойылды. Адам Айға қонғысы келді.

    НАСА іске кіріседі, бес жүз сегіз ғарышкерді қиын сынақтардан өткізіп, Айға ұшуға жарамды адамдар тобы іріктелді.

    Бұл мақсатқа жету үшін жаңа өнертабыстар мен инновациялар қажет еді.

    Озық үлгідегі зымыран жобасы, ғарыш скафандрлары мен жаңа есептеу технологиялары мақсатқа қол жеткізуге көмектесті.

    Нәтижесінде, үш ер адам: Нил Армстронг, Базз Олдрин және Майкл Коллинз "Аполлон-11"-ге іріктеп алынды.

    1969 жылы 16 шілдеде "Аполлон -11" Айға ұшу сапарына дайын болды.

    "Сонымен, бұл, біз күткендей, тағы да бір керемет ұшу сапары, менің ойымша, адамдардың алғаш рет Айға қонуы - таңғаларлық жағдай".

    Әуеге көтерілу сәтті жүзеге асты және НАСА ұшу сапары мінсіз өтеді деп үміттенді.

    Өкінішке қарай, НАСА ғалымдары есептеулерінде аздаған қателіктер жіберді.

    Стив Бейлз, Бас бағдарлаушы – "Біз Ай модулінің барлау жүйесінің есептеу құрылғысын навигациялық қатемен іске қостық. Бұл шамамен сағатына 22,4 километр болды. Бұл есептеу құрылғысының Айға ұшу жылдамдығы іс жүзіндегі жылдамдыққа қарағанда сағатына 22,4 километрге кем деп есептейтінін көрсетеді."

    Жоспарланғандай, "Игл" қону модулі бөлініп шығып, Ай бетіне қонуға ыңғайланды.

    Армстронг Ай бетін бағдарлау үшін терезеге қарап отырды, бірақ әрбір бағдар кестедегіден үш секундқа озық көрініп отырды... Демек, олар жылдам ұшқан, яғни осы қалыпта ұша берсе, жоспарланған қону орнынан 3 не 5 километрге алшақ кетуі мүмкін.

    Ұшу сапарын басқару орталығындағы авиациялық дәрігер Армстронгтың жүрек соғысы минутына 77-ден 156-ға дейін өскенін байқайды, Армстронг Ай бетінен 300 метр биіктікте, қойтасқа толы кратерге қарай ұшып бара жатқанын көреді.

    Тәжірибелі ұшқыш Армстронг сабыр сақтап, 107 метр аумақты қойтастардан тазарту үшін реактивті двигательді іске қосады.

    Бұл жағдай жоспарланбаған еді, енді "Игл" модулінде отыз секундқа ғана жететін отын қалды.

    Алғаш рет Ұшу сапарын басқару орталығы көмек беруге қауқарсыз болды.

    Жағдай қиын еді, алайда Армстронг батылдық танытты, соның нәтижесінде, ұшу аппараты Ай бетіне аман-есен қонды.

    "Қонуға 10 метр қалды. Әлсіз тұман. "Тыныштық базасы" сөйлеп тұр. "Игл" қонды. Бұл бір адам үшін кішкентай қадам, алайда адамзат баласы үшін үлкен серпіліс."

  • Ұқсас фильмдер
  • Ұқсас фильмдер