Түрлердің шығу тегі

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Жаңа түрлер қалай пайда болады? Түрлерді қалыптастыратын, көптеген ұрпақтар бойы жүріп отыратын негізгі эволюциялық процестерді түсіну.

    Маңызды деректер

    • Біздің барлығымыз бір жасушадан пайда болғанбыз, алайда неліктен біз әртүрліміз?
    • Түрлер өз тобының ішінде таралады және қоршаған ортасына бейімделеді.
    • Түрлер өзара бөлініп, жекелей дамып, бірге көбейе алмайтын жағдайға жеткенде, жаңа түр пайда болады.
    • Түр түзілу – ұзаққа созылатын, көптеген ұрпақтарды қамтитын, біртіндеп өзгеріске ұшырау процесі.
  • Транскрипт
  • Транскрипт

    Транскриптті жүктеу

    Тіршілік ең алғаш судағы қарапайым жалғыз жасуша ретінде пайда болды.

    Осыдан бастап, ағзалар біртіндеп күрделене түсті.

    Және миллиардтаған жылдар бойы қазіргі уақытта өмір сүретін көптеген әралуан түрлер біртіндеп қалыптасты.

    Өмір ағашының әрбір тармағы жаңа түрлердің қалыптасуындағы бөлінуді көрсетеді.

    Бірақ бұл қалай жүзеге асады?

    Түрлер дегеніміз – репродуктивті оқшауланған ағзалар популяциясы.

    Түрлер – репродуктивті оқшауланған

    Бір түрдің мүшелері басқа түрлердің мүшелерімен емес, тек бір бірімен будандасып қана ұрпақ қалдыра алады.

    Жаңа түрлердің қалыптасуы – жай ғана көптеген ұрпақтар бойы жалғасып келе жатқан басты эволюциялық процестердің нәтижесі.

    Әртүрлілік. Бейімделгіштік. Табиғи сұрыпталу

    Популяция түрлі қоршаған ортаға бейімделу нәтижесінде будандаса алмайтындай жағдайға жеткенше генетикалық тұрғыдан өзгешеленеді.

    Географиялық оқшаулану – жаңа түрдің пайда болуының негізгі алғышарты.

    Су тасқыны, өзендер, таулар, құрлықтық дрейфтер мен миграция – барлығы да популяцияны кіші топтарға бөле алады.

    Бөлінуден кейін табиғи сұрыпталу ұрпақтар бойы генетикалық өзгерістерге алып келетін азық таңдау мен жұп құру салтанаты сияқты бейімделушіліктерді жүзеге асырады.

    Ақыр соңында, айырмашылықтардың көбейгені сонша, популяция ішіндегі будандасу мүмкін болмай қалады.

    Олар бөлініп, жаңа түр болып қалыптасты.

    Түрдің пайда болуы – қалыпты жағдайда мыңдаған ұрпаққа созылатын ұзақ, әрі баяу процесс.

    Алайда қоршаған орта жылдам өзегеретін болса, тірі қалған популяциялар бейімделіп, таралу арқылы кейде жаппай жаңа түлердің пайда болуына алып келеді.

  • Ұқсас фильмдер
  • Ұқсас фильмдер