Шимпанзелер: Біздің жақын туысқанымыз ба?

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Біздің ең жақын туыстарымыз – шимпанзелер. Олармен біздің геніміз 98%-дан 99%-ға дейін ұқсас. Алайда бұл бізді қаншалықты ұқсас етеді?

    Маңызды деректер

    • Шимпанзе – ДНҚ-сының 98-99%-ы біздікіне ұқсайтын, адамның ең жақын туысы.
    • Оның адаммен ұқсас қасиеттері көп, мысалы, бет әлпеті және ұзаққа созылатын балалық шағы.
    • Алайда адамдардың миы үлкейіп, үлкен бас бармағы мен сөйлеу қабілеті дамыған.
    • Амин қышқылдарының кішкентай ғана тізбегі қалайша жүздеген геннің ішінде біреуіне ғана кілт бола алатыны туралы біліңіз.
  • Транскрипт
  • Транскрипт

    Транскриптті жүктеу

    Адамдар мен адам тәрізді маймылдар "гоминид" деп аталатын бір приматтар одағының құрамына жатады.

    Гоминид

    Біздің ең жақын туысқанымыз – шимпанзелермен біздің ДНҚ мыз 98-ден 99% ға дейін ұқсас болып келеді.

    Бұл біздің ұқсастығымызға қаншалықты ықпал етеді?

    Гендеріміз жалпы бірдей болғандықтан, адамдар мен шимпанзелердің кейбір қасиеттері ұқсас келеді.

    Біздің қолдарымыз икемді және бет әлпетіміз әдемі.

    Біз маңызды өмірлік дағдыларды меңгеретін ұзақ балалық шақтан өтеміз.

    Біз өзіміздің отбасыларымыздан құралған күрделі қоғамда өмір сүреміз.

    1960-жылдарға дейін тек адамдар ғана құралдар жасап, оларды қолдана алады деп есептеліп келді.

    Бірақ шимпанзелер де жәндіктерді ұстап, жаңғақтарды жару үшін құралдарды қолданады.

    Олардың біз сияқты оңқайы да, солақайы да бар.

    Кейбір шимпанзелер тік жүре бастағандықтан, олардың қорегін теріп жеуі жеңілдеді.

    Дегенмен сөз құрастыруды білмесе де, шимпанзелер ишарат тілі мен бейнелер арқылы сөйлесуге үйрене алады, сондай-ақ танымдық қиын тапсырмаларды орындай алады.

    Бірақ біздің ұқсастықтарымызға қарамастан, адам мен шимпанзе эволюциясы арасында айқын айырмашылықтар бар.

    Ауыл шаруашылығы, тіл, өнер, музыка, технология мен философия сияқты барша жетістіктеріміз бізді олардан даралайды.

    Адам тәріздес маймылдан даралап, бізді жоғары дамытқан не нәрсе?

    Мұның ғажайып сырының біздің гендеріміздегі кішкентай ғана айырмашылықтарда жатқаны таңғалдырады.

    Жалғыз гендегі жүздеген нуклеотидтердің тек бірнешеуінің ғана өзгеруі үлкен эволюциялық қозғалысқа алып келетіндігі анықталды, олар: аса күрделі тілдің дамуы, бұлшық еттердің жетілуінен бас бармағымыздың қарсы жаққа орналасуы және тік жүруге дағдылану, барлығынан да ең маңыздысы – миымыздың жедел дамуы.

    Ғалымдар бұл өзгешеліктердің дәл қайда орналасып, қалай жұмыс істейтініне әлі көз жеткізе алған жоқ, алайда біздің геномымызда кең таралған бұл аздаған айырмашылықтар эволюцияның миллиондаған жылдарымен қалыптасты. Олар бізді ең жақын туыстарымыз – адам тәрізді маймылдардан даралап көрсетеді.

  • Ұқсас фильмдер
  • Ұқсас фильмдер