Эволюция тетіктері

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Генетикалық әртүрліліктің салдарынан ұрпақтар жаңа қасиеттерге ие болады, яғни түрлер эволюцияға ұшырайды. Ал бұл жаңа гендер қалай пайда болады, қандай процестер эволюцияға алып келеді?

    Маңызды деректер

    • ДНҚ-ның мутациясы эволюцияға жауап береді.
    • ДНҚ-ның мутациясы екі процеске байланысты жүруі мүмкін.
    • Табиғи сұрыпталу – біз тірі қалу үшін қоршаған ортаға бейімделеміз.
    • Қоршаған ортаның кездейсоқ өзгерістері генетикалық дрейфті тудырады.
  • Транскрипт
  • Транскрипт

    Транскриптті жүктеу

    Таңғажайып күш арқылы адаптациялар мен жаңа түрлерді қалыптастыратын барлық эволюция генетикалық деңгейде жүзеге асады.

    Генетикалық әралуандылық жаңа белгілер мен сипаттамалар тудырады және кейбір ген типтері бірнеше ұрпақ ішінде кең таралса, ал басқалары жойылады.

    Бұл – эволюция.

    Эволюция: Популяцияның ген жиілігінің өзгерісі

    Бірақ жаңа ген типтері қалай пайда болады?

    Басты процесс – мутация.

    Мутация

    Мутациялар дегеніміз – ДНҚ тізбегіндегі кездейсоқ өзгерістер.

    Олар ДНҚ-ның көшірілуі кезіндегі қателіктерден туындауы мүмкін.

    Егер бұл жыныстық жасушаларда жүзеге асса, жаңа гендер келесі ұрпаққа берілуі мүмкін.

    Қазір эволюция екі әртүрлі тетік арқылы жүзеге асатын мутация нәтижесінде жасалады.

    Табиғи сұрыпталу. Генетикалық дрейф

    Осыдан 100 мың жыл бұрын мутация әсерінен қоңыр аюларда ақ тері пайда болды.

    Егер мутация тірі қалуға әсер етсе, онда табиғи сұрыпталу жүреді.

    Ол зиянды мутацияларды жойып, түрлердің қоршаған ортаға бейімделуіне мүмкіндік беретін гендердің белсенділігін арттырады.

    Аюдың ақ терісі мұздықтар ішінде сәтті жасырынуға мүмкіндік берді.

    Бұл аймақтардағы қоңыр терілі аюлар жойылғанда, ақ аюлар тірі қалып, көбейді.

    Табиғи сұрыпталу ақ мутацияны сақтап, біртіндеп ақ аю жетіліп шықты.

    Табиғи сұрыпталу: Адаптацияны жетілдіреді

    Сұрыпталу бейімделуге қатысты болса, эволюцияның екінші тетігі – генетикалық дрейф кездейсоқтыққа байланысты болды.

    Генетикалық дрейф

    Мысалы, басқа түсті гүлдерге қарағанда қызғылт гүл тұқымдары құнарлы топыраққа көбірек мөлшерде кездейсоқ түсіп, уақыт өте келе, бұл гендер көбірек кездесетін болады.

    Тірі қалуға әсер етпесе де, кез келген түрдің бірқатар мутациялары жойылып, басқалары сақталады.

    Генетикалық дрейф кездейсоқ жүзеге асады, тек табиғи сұрыпталу ғана пайдалы қасиеттерді жетілдіреді.

    Бірақ, екі процесс те ген жиілігінің өзгерістеріне әкеледі, ал мұның нәтижесінде ақырындап жаңа түрлер пайда болады.

  • Ұқсас фильмдер
  • Ұқсас фильмдер