Twig продюсерлері
Twig-Bilim жобасында кино және телевизия саласында еңбек етіп, танымдық деректі фильмдерді шығаруға атсалысып жүрген тәжірибелі продюсерлер жұмыс істейді. Көбі – халықаралық жүлделерге ие болған шебер мамандар. Продюсерлер Twig фильмдерін жасау барысында 9 қадамнан тұратын процесті орындайды.
- Халықаралық оқу бағдарламаларын зерттеу
Twig фильмдері әлемнің түкпір-түкпіріндегі барлық мектептерде пайдалану үшін арнайы жасалған. Біз кез келген фильмді бастамас бұрын, алдымен ұсынатын тақырыптарымыздың халықаралық оқу бағдарламасындағы маңызды деректермен сәйкес болуын жан-жақты зерттейміз.
- Әлемдегі ең үздік видеоматериалдарды іздеу
Продюсерлеріміз фильмнің тақырыбы мен мазмұнын айқындап алған соң, әлемнің ең үздік кино мұрағаттарынан видеоматериалдар іздеуге көшеді. Біз атақты BBC (Ұлыбритания), NHK (Жапония), CBS (АҚШ), ABC (Aустралия), CCTV (Қытай) студияларының және Getty Images, NASA секілді ғылыми-білім беру орталықтарының материалдарын пайдаланамыз.
- Сценарий жазу
Продюсерлеріміз жоғары сапалы видеоматериалдарды іздеп тапқаннан кейін, фильмнің сценарийін жазуға кіріседі. Бұл жұмысқа да жоғары деңгейлі сарапшылар атсалысады. Дайын өнім қызықты, нақты әрі пайдаланушылардың жас ерекшелігіне сәйкес болуы үшін пән мамандары мен тәжірибелі мұғалімдерден кеңес аламыз. Мамандардың кеңесі біз үшін аса маңызды.
- Фильмді өңдеу
Сценарий жазу толығымен аяқталғаннан кейін, жұмысқа редакторлар тобы келіп қосылады. Алдын ала монтаж жұмысы жасалып, соңғы түзету жұмыстары жүргізілген соң, фильмді атқарушы продюсеріміз мақұлдайды.
- Мәтіндер мен графиктерді қосу
Монтаж жасайтын шығармашылық топ фильмге ерекше әсер беретін мәтін, анимация мен графикалар қосып, фильмнің соңғы нұсқасымен жұмыс істейді.
- Дауыстарды жазу және дыбыспен жұмыс
Видео толығымен дайын болған соң, кәсіби актерлер мен үздік дикторлар фильмнің кадрдан тыс дыбысын жазады. Дыбысты біржолата қабаттастыру үшін жазбаны тазартып, оған дыбыстық эффектілер мен музыка қосу қажет.
- Халықаралық нұсқалар жасау
Twig фильмдері бүкіл әлемде қолданылатындықтан әр мемлекеттің өзіндік ерекшеліктеріне байланысты өзгеруі мүмкін. Бұл – мәтін мен графикаларды керекті тілге аударып, дыбыстауды қайта жазу ғана емес, білім беру стандарттары мен мәдени-этникалық нормаларды есепке ала отырып, фильм мазмұнымен жұмыс істеу.
- Фильмді бекіту
Twig фильмдері пәндерден, бөлімдерден және тақырыптардан құралған. Сондай-ақ сайтымыздан керекті фильмді тез әрі оңай табу үшін фильмдер оқу бағдарламасының элементтерімен, кілт сөздермен және фразалармен белгіленеді.
- Веб-жеткізу
Соңғы қадамда Twig фильмдерін кез келген құрылғымен және кез келген интернет жылдамдығымен көре алатындай әртүрлі нұсқаларға және ағымдарға кодталады. Содан кейін фильмдер Twig сайтының қызметін кез келген тілде ұсына алатын орталықтанған веб-серверге жіберіледі.
