Twig World-тың үздік білім беру контенті көптеген марапаттарға ие болған. Төменде берілген марапаттар мен номинациялардың тізімін қараңыз.
- ELTons 2017 марапатының «Оқыту ресурстарындағы инновациялар» аталымы бойынша жеңімпазы
Біз сіздерге Twig World-тың ағылшын тілін үйренушілерге арналған Tigtag CLIL ғылыми платформасының Британ кеңесінің ELTons марапатының жеңімпазы атанғанын қуана хабарлаймыз.
Tigtag CLIL – жаратылыстану-ғылыми бағытындағы пәндерді оқыту арқылы ағылшын тілін меңгеруге болатын ресурс. 800-ден астам қысқа метражды фильм, сондай-ақ тәжірибелік тапсырмалар, викториналар мен танымдық ойындар оқытуды баршаға қолжетімді әрі қызықты жасайды.
Бұл беделді марапат Tigtag CLIL және Twig World үшін де ерекше маңызды.
Көбірек білгіңіз келе ме? Tigtag CLIL-ге кіріңіз!
- Үздік тегін білім беру ресурсы
Лондон империялық колледжімен (Imperial College London) бірлесе жасаған Twig World-тың бастауыш мектепке арналған ғылыми жаңалықтар ресурсы үздік тегін білім беру ресурсы ретінде «Білім беру ресурстары» аталымы бойынша марапатталды.
Әділқазылардың пікірі: Бұл онлайн қызмет сапалы ақпарат берудің жаңа форматы арқылы балаларды оқуға деген қызығушылығын арттырып қана қоймай, тақырыпты талдауға, мектептен кейін де зерттеуге бейімдейді. Әділқазылар Twig World және Imperial College London-ды Ұлыбритания ресурстарын еркін пайдалану әдісін табуымен құттықтады.
«Білім беру ресурсы» марапаты білім беру мен өзге салалардағы стандарттау сапасын арттыру мақсатында ірі жетістіктерге жеткен өнімдерге тағайындалады.
- Халықаралық цифрлық білім беру бойынша EdTech марапаты
Twig World-тың балаларға ағылшын тілін үйрету платформасы Tigtag CLIL (Content and Language Integrated Learning) халықаралық цифрлық білім беру ресурсы ретінде EdTech беделді марапатын алғанын қуана хабарлаймыз.
Tigtag CLIL жобасы жұмысын бастағаннан үш айдан соң өз саласы бойынша жоғары дәрежелі марапатты жеңіп алды.
Tigtag CLIL ағылшын тілінде қарапайым және түсінікті жазылған, ұстаздарға контентті тиімді пайдалануға көмектесетін құралдары бар, жоғары сапалы ресурс ретінде танылып, әділқазылар тарапынан жоғары бағаға ие болды.
Көбірек білгіңіз келе ме? Tigtag CLIL-ге кіріңіз!
- Үздік ашық білім беру ресурсы
Біз сіздерге Twig World-тың Лондон империялық колледжімен (Imperial College London) бірлесіп жасаған бірінші өнімі – Reach Out CPD-дің Bett Awards 2016 жеңімпазы атанғанын қуана хабарлаймыз.
Reach Out CPD – бастауыш мектеп мұғалімдеріне жаратылыстану бағытындағы барлық пәндерді қамтуға көмектесетін, 30 онлайн-курстан тұратын жинақ. Сондай-ақ, Twig World-тың әлемнің жетекші университеттерінің бірі – Лондон империялық колледжімен (Imperial College London) бірлесе отырып жасаған алғашқы өнімі.
Bett 2016 марапатында әділқазылар Reach Out CPD-ді үздік ашық білім беру ресурсы деп атап өтті. Әділқазылардың пікірі: «Сайт қолданушыларына құнды ұсыныстар береді. Сайт – ғылыми идеялармен алмасуға арналған жалпыға ортақ ресурс».
- Алдыңғы қатарлы сандық контент
Twig World-тың бірінші реттік ресурсы Tigtag BETT-2014 марапатының жеңімпазы атанғанын қуана хабарлаймыз!
Шыққанына төрт ай болған Tigtag Алдыңғы қатарлы сандық контент аталымын жеңіп алу үшін қатаң бәсекелестіктен өтті.
BETT марапаттары – білім беру саласындағы технологиялардың шабыт сыйлайтын шығармашылығы мен инновациялылығының бағалаушысы және Лондонда жыл сайын өткізілетін BETT шоуының ажырамас бөлігі.
Осы жылы Twig World өнімдері қатарынан үшінші рет BETT марапаттарында 2013 жылы Сандық жинақ және Ресурс банкі аталымдары және 2012 жылы Екінші деңгейлі сандық ресурс аталымы бойынша жеңімпаз атанды.
- Цифрлық білім беру саласындағы 25 үздік инновациялық компания
Total Education Халықаралық білім беру компаниясының жаңа есебінде Twig World «Цифрлық білім беру саласындағы 25 үздік инновациялық компания» санатында аталып өтті.
Есеп бүкіл әлем бойынша білім беру саласындағы мамандардан мен мұғалімдерден сауалнама жүргізу арқылы жасалды. Бұл құжатта Twig World контент ұсынушы төрт ірі компанияның бірі ретінде көрсетілген. Бұл компания тізіміне қосылған тағы бір марапат. Twig World соңғы үш жылда халықаралық білім беру марапаттарының, cоның ішінде қатарынан үш мәрте беделді Bett марапатының жеңімпазы атанды.
Twig World компаниясының жетекшісі Энтони Бучье былай дейді: «Алғашқы өнімімізді ұсынғаннан кейін 3 жыл өткен соң Google және Microsoft сияқты алпауыттардың бізді таңдауы – үлкен жетістік және Лондон мен Глазгода жұмыс жасап жатқан біздің мамандарымыздың еңбегінің әділ бағалануы деп білеміз. Біз бұл жолда әлі де мақсаттарымызға толық жеткен жоқпыз, себебі мұғалім мен оқушының мүмкіндіктерін арттыратын цифрлық технологиялар күн санап даму үстінде және мектептерге белсенді түрде енгізілуде».
Есепті мына сілтеме бойынша көре аласыздар: http://blogs.terrapinn.com/total-education/2014/09/03/top-25-innovative-companies-digital-education
- BETT-2013 көрмесінде, Лондон, Ұлыбритания
Twig-дегі әрбір адам Лондондағы BETT халықаралық шоуында BETT жүлдесін екінші рет жеңіп алуға асық.
Сандық топтамалар мен ресурстық банктер категориясы бойынша марапатқа ие болу үшін жоғары бәсекелестіктен өттік.
Әділқазылар Twig-ті "мектеп бағдарламасына да, өздігінен оқуға да, қолдануға да болатын, жақсы құрастырылған мәліметтер көзі" деп бағалады.
Twig-тің жаңа ғылыми өнімі – Tigtag жобасы жұмысын бастағаннан үш айдан соң беделді марапатқа ие болды.
Ғалымдар таңдауы марапаты ойлау қабілетінің жоғары деңгейін көрсететін, сапалы, контенті бай және ерекше ұйымдастырылған білім беру өнімдерін бағалап, таңдау жасайды.
Әлемге танымал ғалымдардан тұратын сарапшылар тобы Tigtag-тің мазмұны бай видеоларын, тапсырмаларын, сабақ жоспарлары мен қолдануға өте ыңғайлы интерфейсін жоғары бағалады.
Tigtag – ғылыми видео деректерді іздеушілер үшін таптырмас орын. Жарайсың Tigtag!"
- Сыныпқа арналған тиімді мәліметтер қоры
Оқу журналынан, АҚШ
Мұғалімдер таңдауы марапаты мектептің тәжірибелі мұғалімдерінің қазылық жасауымен өздерінің әріптестері үшін жүргізілді.
Әділқазылар алқасы мәліметтер қорын шынайы оқыту процесінде пайдалана отырып, Twig-Bilim-нің сапасын, қолданудағы ыңғайлылығын, тәрбиелік маңызын, жаңа идеялары мен оқушыларды еліктіру қабілетін жоғары бағалады.
Бұл марапат 19 жыл бойы беріліп келеді, ол білім беру саласындағы ең беделді марапаттардың біріне айналған.
- Екінші деңгейлі сандық ресурс
Twig 2012 жылы 11 қаңтарда Лондонда өткен BETT жүлдесін марапаттау рәсімінде жеңімпаз деп жарияланды.
Әділқазылар, маңызды мемлекеттік мекемелер, мұғалімдер мен жергілікті билік өкілдері де өз пікірлерін білдірді.
Бізге ұнағаны: Twig Science-ке қосылу өте оңай және оның пайдаланушыға ыңғайлы интерфейсі бар. Түсіндірудің өзі қиынға соғатын кейбір кең ауқымды тақырыптар жоғары сапалы материалдардан жинақталған. Оқушылар үшін бұл өте қызықты. Біз тақырыптар мен бағдарламалар арасындағы сілтемелер мүмкіндігіне риза болдық.
- АКТ бойынша ең жақсы екінші деңгейлі ресурс [Инновация марапатының финалисті]
Білім беру-2012 шоуында, Бирмингем, Ұлыбритания
Білім беру ресурсы жүлдесі оқу процесіне әсер ететін ресурстарға, қызметтерге және білім беру мен мұғалімдердің сыныптағы күнделікті жұмысына айтарлықтай үлес қосатын адамдарға баса назар аударады.
Әділқазылар алқасының пікірі: "Оқыту құралы ретінде интеллектуалды карта навигациясына баға жетпейді. Тәрбиелік мәні мен қолдану ыңғайлылығының бір жерден табылуы Twig-Bilim сайтын теңдесі жоқ құралға айналдырады. Оқушылардың басым көпшілігі сайтты қолдана отырып, фильмдердің коммерциялық және арнайы тапсырыспен жасалған нұсқаларын үйінде көруге бейімделеді. Twig-Bilim-дегі ғылыми фильмдер олардың көңілінен шығары анық. Өйткені, сапасы өте жақсы".
- Оқу бағдарламасы және бағдарламалау
Британ Университетінің Фильм және видео кеңесінен, Ұлыбритания
Британ Университетінің Фильм және видео кеңесінен, фильм мамандары мен профессорлардан тұратын әділқазылар алқасы ақтық мәреге өтетіндерді таңдайды.
Профессор Лорд Роберт Уинстон Twig-Bilim Science-ті "жігерлі жоба" және "икемді құрылымы мен күрделі мазмұны үшін" оқу бағдарламасы және бағдарламалау жүлдесіне тағайындады.
- Ғылыми веб-сайт
Интерактивті БАҚ кеңесінен, Нью-Йорк, АҚШ
Интерактивті БАҚ жүлдесі дүниежүзі бойынша веб-сайттар дизайнындағы, дамуындағы және құрылуындағы жетістіктерді марапаттайды. Топ үздігі марапаты жобаның ғаламтордағы кәсіби жұмысы бойынша есептелген стандарттарға сай келіп, одан да биік жетістікке жеткенін бағалайды.
Марапаттауда веб-дизайн, жарнама, баспа ісі және өзге де ұйымдардың жетекші мамандары қазылық етті. Жұмыстар мынадай белгілер бойынша бағаланды: дизайны, қолданысқа ыңғайлылығы, техникалық инновациялары, стандарттарға сай келуі және мазмұны. Twig Science бес белгі бойынша барлығы 500 ұпайдың 488-іне ие болды.
Бірінші деңгейлік ресурс және білім беру саласының жыл экспортері
BETT марапатының жеңімпазы атанған Tigtag-тен кейін Twig World-тың да Білім беру ресурсы марапатының (ERA) финалисті атанғанын мақтанышпен хабарлаймыз.
Сондай-ақ, Twig World 50-ден астам елге, оның ішінде Қытай, Бразилия, Испания және Қазақстанға өзінің фильмдерін экспорттаудағы жетістіктерімен көпке танылды.
Білім беру ресурсы марапаты – Ұлыбританиядағы білім беру саласының жабдықтаушылары мен кәсіби, үздік маман иелеріне үлкен жетістіктері үшін берілетін марапат.
- Цифрлық білім беру бойынша халықаралық ресурс
Twig World компаниясы халықаралық «Bett Awards-2015» марапатының «Халықаралық білім берудегі цифрлық ресурс» аталымы бойынша марапатталды.
Бұл аталым бойынша халықаралық білім беру нарығындағы үздік цифрлық және онлайн білім беру ресурстары әлемдік деңгейдегі оқыту мекемелері мен мектептерінде білім беру процесін жетілдіруге қосқан үлесі үшін марапатталады.
- Тегін цифрлық контент/Ашық білім беру ресурстары
Tigtag және Лондон империялық колледжі (Imperial College London) бірлескен Reach Out CPD (бастауыш мектептің жаратылыстану-ғылыми бағытындағы пәндер бойынша ресурс) жобасын ұсынды.
Twig World Ltd компаниясы «Тегін цифрлық контент/Ашық білім беру ресурстары» аталымы бойынша «Bett Awards-2015» марапатының иегері атанды.
Бұл аталым бойынша бастауыш, орта және кәсіби білім берудегі жас педагогтарға арналған озық тегін цифрлық онлайн-ресурстар марапатталады.
- «EdTech Excellence Award-2014» марапаты
Bett Asia және IDA (Сингапурлық АКТ-ны дамыту басқармасы) «EdTech Excellence Award» марапатының ашылғандығын қуана хабарлайды.
Штаб-пәтері Еуропада орналасқан Twig World Ltd компаниясы осы аталым бойынша марапатталған жалғыз компания.
Аталған марапат Азия білім беру кеңістігінде шағын және орта білім беру технологияларын жетілдіруге үлес қосушы үздік компанияларды анықтауға арналған.
- Білім берудегі мультимедия
BETT марапатындағы жеңісінен кейін Twig World өзінің бірінші деңгейлі ресурсы – Tigtag-тің Оқытушы экран-2014 марапатына ұсынылғанын қуана хабарлайды.
BUFVC Оқытушы экран-2014 марапаты – қозғалмалы бейнелер мен оқу, оқыту және зерттеудегі медиаға қатысты жобалардың сапасын бағалайтын және марапаттайтын Ұлыбританиядағы жалғыз марапаттаушы ұйым.
Бұл марапаттаулар барлық телерадио ұйымдары, өндіріс компаниялары, білім беру институттары, мұражайлар, баспа ұйымдары, қайырымдылық қорлары және басқа да кез келген білім берудегі медианы жасақтаушы ұйымдар үшін ашық.
EducationInvestor – көркейіп келе жатқан британдық білім индустриясы туралы жетекші журнал.
Жыл сайынғы марапаттаулар білім беру ресурстарындағы шеберлік пен жаңаша көзқарастарды ұсынатын компаниялардың өнімдерін бағалап, өндірісін ілгері жылжытумен айналысады. Финалисттер сарапшылар тобының шешімімен таңдалады.
Еуропадағы ең таңдаулы 20 EdTech кәсібі
Twig World жылдам дамушы, жаңашыл ұйым ретінде EdTech таңдаған 20 электронды оқыту компаниясының қорытынды тізіміне енгізілді.
EdTech – Edxus Group және IBIS Capital компанияларының серіктестігі. Лондон фирмалары британдық электронды оқыту компанияларын дамуға қажетті инвестиция және кеңестермен қамтамасыз ететініне кепілдік береді.
"Еуропаның электронды оқыту саласындағы жоғары нәтижелі компанияларын анықтау арқылы бұл өндірістің дамуына атсалысу үшін кәсіби тәжірибе, капитал жұмасалымы ретінде көмектесеміз.
Чарльз Макинтайр, IBIS Capital-дың ортақ құрылтайшысы және бас директоры
- Білім беру саласындағы Жыл кәсібі және Білім беру технологиясының экспортері
Білім беру инвесторы журналынан, Ұлыбритания
Білім беру инвесторы жүлдесі Ұлыбританияның жылдам дамушы білім беру индустриясындағы танымал компанияларды алға тартады. Сараптаушы қазылар алқасы 2011-2012 оқу жылында білім саласына орасан үлес қосқан ұйымдар мен тұлғаларды таңдады.
Twig білім беру саласындағы Жыл кәсібі және Білім беру технологиясының жыл экспортері аталымдарының ақтық кезеңіне өтті.
- Кәсіби ұйымдастырылған БАҚ
БАҚ және білім беру конференциясы
MEDEA жүлдесі білім беру саласындағы инновация мен БАҚ-ты қолдану (аудио, видео, графика, анимация) тәжірибесінің деңгейін бағалайды. Бұл марапат ақпараттық оқыту ресурстарының педагогикалық дизайны мен шығарылуындағы ең жақсы үлгілерін таңдап, ілгері жылжуына көмектеседі.
Ақтық мәреге қатысушыларды 15 мемлекеттен жиналған 75 білім беру және ақпарат құралыныі сарапшыларынан құралған әділқазылар алқасы таңдайды.
