Мұхиттар: Көгілдір тұңғиық
Сынып бөлмесінде көру
- Фильм жайлы ақпарат
-
Фильм жайлы ақпарат
Фильмнің қысқаша мазмұны
Теңіздегі түрлер Күн көзі түспейтін өте терең жерлерде мекен ету үшін оғаш әрі таңғажайып бейімделу қасиеттерін дамытты.
Маңызды деректер
- 200 метрден төмен теңіз бөлігінде фотосинтез жүрмейді, мұнда күн жарығы өте аз түседі.
- 1000 метрден төмен теңіз бөлігінде толықтай қараңғылық орнайды және кейбір ағзалар ғана тірі қалады.
- Батипелаг зонасында (1000-4000 метрден төмен теңіз бөлігі) өмір сүретін түрлер қатал жағдайларға бейімделген.
- Теңіз түбінде өмір сүретін мыңдаған жануарлар теңіз бетіне жақындап, қорек табу үшін күн сайын орын ауыстырады.
- Транскрипт
-
Транскрипт
Мына кашолаттар қорегін іздеу үшін, судың көкшіл мөлдір беткі қабатынан 1000 метр тереңдікке сүңгиді.
Олар өз саяхатын Күн сәулесі түсетін жылы мұхит бетінен бастайды және ымырт қабаты арқылы өтіп, қара түнекке жетеді.
200 м
200 метр тереңдікке жеткенде, күн сәулесі бұлыңғырланып, жоғала бастайды.
Олар мезопелагиаль немесе ымырт қабатына енді.
Мезопелагиаль қабаты: Тереңдігі: 200 метрден 1000 метрге дейін. Орташа қысым. Температурасы: 4˚ C-тан 5˚C-қа дейін. Күн сәулесі әлсіз түседі
Бұл жер фотосинтез процесі жүруі үшін тым қараңғы, сол себепті мұнда өсімдіктер де өспейді, яғни өзге жоғарғы қабаттарға қарағанда, мұнда жануарлар да сирек кездеседі.
Алып амфипод тәрізді көптеген жануарлар қараңғыда тығылу үшін түссіз болады.
Ал жыртқыштардың ымырт қараңғыда жемтігін іздейтін үлкен көздері жақсы дамыған.
1000 м
Киттер судың 1000 метр тереңдігіне жеткенде, қара түнекке кіреді де, өкпелері қалыпты көлемінен 1%-ға кішірейеді.
Бұл- батиаль немесе қара түнек қабаты.
Батиаль қабаты: Тереңдігі: 1000 м-ден 4000 м-ге дейін. Өте жоғары қысым. Температурасы: 0 ˚ C -тан С +2 ˚ C-қа дейін. Күн сәулесі түспейді.
Бұл қараңғы әлемде жат жерлік ағзалар тіршілік етеді.
Көптеген ағзалардың денесі қысымға төтеп беру үшін жұмсақ келеді, және қараңғыда көрінбеу үшін қызыл не қара түсті болады, мәселен, қансорғыш кальмар секілді.
Басқа ағзалар өз жарығын жасау үшін, биолюминесценцияны қолданады, бұл оларға жемтігін қызықтыруға, жұбын табуға немесе қорғануға көмектеседі.
Биолюминесценция: Тірі ағзалардың көзге көрінетін жарық шығару қабілеті. Пигменттер жарық шығару үшін оттегімен реакцияға түседі.
Тереңдегі қармақшы балық жылтырағыш "қармағымен" жемтігін арбайды, ал перифилла медузасы жыртқышты үркіту үшін жарық шығарады.
Әрбір түн сайын миллиондаған жануарлар мұхит тереңінен жемтігін іздеп келеді, нәтижесінде әлемдегі ең ірі миграция орын алады.
Таң атысымен олар батиаль қабатына қайта оралады. Қалай дегенмен де, теңіз бұл қабаттан әлдеқайда терең әрі қараңғы.
- Ұқсас фильмдер
-
Ұқсас фильмдер
Мұхиттар: Беткі қабат
Мұхиттар: Маржанды теңіздер
Мұхиттар: Абиссаль
Мұхиттар: Литораль зонасы
Мұхиттар: Мұз басқан теңіздер
