Мұхиттар: Маржанды теңіздер
Сынып бөлмесінде көру
- Фильм жайлы ақпарат
-
Фильм жайлы ақпарат
Фильмнің қысқаша мазмұны
Маржанды теңіздер – Жер бетіндегі ең көркем алуан түрлі тіршілік ету ортасы. Ол маржан құрттары мен балдырлардың арасындағы ерекше симбиоздық байланыстан тұрады.
Маңызды деректер
- Маржан рифтері жылы тропикалық мұхиттарда кездесіп, ғаламшарымыздағы ең ірі жанды құрылым болып табылады.
- Рифтерге даму үшін мыңдаған жылдар кетуі мүмкін.
- Маржан фотосинтез процесі арқылы оны энергиямен қамтамасыз ететін балдырлармен симбиотикалық қатынаста болады.
- Дауылдар, ластану, температураның артуы, балықты шектен тыс аулау маржан рифтеріне қауіп төндіруде.
- Транскрипт
-
Транскрипт
Таза әрі жылы тропиктік мұхиттарда әлемдегі ең бай әрі ғажап түске боялған тіршілік ортасы қалыптасқан. Маржан рифтері – ғаламшарымыздағы ең үлкен тірі құрылымдар.
Бірақ бұл ағзалар - өсімдіктерге емес, жануарларға жатады.
Маржан рифтері: Омыртқасыз полиптер колониялары. Тропиктік мұхиттардан табылған. Тереңдігі: 0 метрден 60 метрге дейін
Мұндай алып экожүйелер маржанның мұхит түбіне түсіп, cол жерде өсе бастайтын жалғыз дернәсілінен бастау алады. Бірнеше күннен кейін ол полипке айналады.
Маржан полиптері – жұмсақ денелі. Коралит – қатты сыртқы қаңқа
Полиптер колония түзе отырып, көбейеді. Полиптер жылдам өседі, алайда рифтердің толыққанды жетілуіне мыңдаған жылдар кетуі мүмкін.
Риф үшін Күн сәулесінің өмірлік маңызы зор, өйткені маржан рифтері полип құрылымында тіршілік ететін балдырлармен селбесіп өмір сүреді.
Ал балдырлар фотосинтез арқылы өзіне және маржанға қажетті қоректік заттарды өндіреді.
Симбиоздық қарым-қатынас: Маржандағы 98% энергияны балдырлар өндіреді
Полиптер жемтігін түнде аулайды, ол өзінің әктасты қаңқасынан шығып, планктонды ұстайды.
Маржандар орын үшін қатты бәсекелеседі, маржан бәсекелесіне тап болған кезде, оны қармауыштарымен бүркеп, қорытып жей бастайды.
Маржан рифтерінің өзге де көп түрлері селбесіп тіршілік етеді. Мысалы, теңіз шаяны маржан ішінде тіршілік етіп, сонда қоректенеді және өз кезегінде оны жыртқыш теңіз жұлдызынан қорғайды.
Сондай-ақ, маржан рифтерінің ішінде қоректеніп, тіршілік ететін түрлерге каракатица, Арлекин ас шаяны, тіпті бүкір киттер де жатады. Бүкір киттер маржан рифтерін көбеюге қолайлы жер ретінде қолданады.
Мұнда алуан түрлі ғажайып тіршілік бар, және олар бір-бірімен тығыз байланысқан.
Маржан рифтері – өте сезімтал құрылым. Жүздеген жылдар бойы қалыптасып келген рифтер, дауылды ауа райы кесірінен санаулы сағат ішінде-ақ құртылып кетуі мүмкін.
Судың ластануы, балықтың шектен тыс аулануы және температураның көтерілуі рифтерді күрт жою үстінде.
Маржан рифтері – алуандылығымен ерекшеленетін ғажайып тіршілік ортасы. Олар мұхиттағы тіршілікті қаматамасыз етуде маңызды рөл атқарады.
- Ұқсас фильмдер
-
Ұқсас фильмдер
Мұхиттар: Беткі қабат
Мұхиттар: Көгілдір тұңғиық
Мұхиттар: Абиссаль
Мұхиттар: Литораль зонасы
Мұхиттар: Мұз басқан теңіздер
