Жасушаның бөлінуі: Мейоз

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Нәтижесінде жыныс жасушалары түзілетін жасушалық бөліну түрі туралы біліңіз.

    Маңызды деректер

    • Мейоз – жасушалық бөлінудің ерекше түрі.
    • Ол жұмыртқажасушалар мен сперматозоидтарды түзеді.
    • Түзілген жасушаларда хромосомалардың жартылай жиынтығы болады.
    • Хромосомалар ДНҚ бөліктерін алмастырады, нәтижесінде гендер бір-бірімен араласады.
  • Транскрипт
  • Транскрипт

    Транскриптті жүктеу

    Репродуктивті мүшелерде жасушалар ерекше жолмен бөлініп, жыныстық жасушалар –

    ерлерде шәует және әйелдерде жұмыртқа жасушасы түзіледі.

    Жасушалардың осылай ерекше бөлінуі "мейоз" деп аталады.

    Жыныс жасушаларында екі емес, тек бір ғана хромосома көшірмесі болуы тиіс, сол себепті олар басқаша түзілуі қажет.

    Барлық жасушалар 23 жұп хромосомадан тұрса, шәует пен жұмыртқа жасушасы 23 дара хромосомадан құралады, яғни әрбір жұптан біреу ғана.

    Осылайша мейоз хромосома санын екі есеге азайтуы қажет.

    Мейоз қалыпты жасушадан басталып, хромосомалар тура митоздағыдай көшіріледі.

    Бірақ кейіннен хромосома жұптары ДНҚ бөлшектерін бір-бірімен алмастырады.

    Бұл процесс "рекомбинация" деп аталады.

    Рекомбинация

    Ойын карталарын араластырған сияқты рекомбинация гендердің араласуына мүмкіндік береді.

    Жасушалар бөлінеді. Митоздан айырмашылығы ондағы екі жасуша қайта бөлініп, төрт жасуша түзеді.

    Мейоз 2 циклды жасушалық бөлінуден тұрады

    Бұл төрт жасуша бір-бірінен және ата-ана жасушасынан генетикалық түрде өзгеше, олардың хромосома саны қалыпты жасушаларға қарағанда екі есе кем.

    Бұл өте маңызды, өйткені ұрықтану кезінде аналықтан хромосомалардың бір көшірмесі және аталықтан бір көшірмесі қосылып, адамдарда болатын 46 хромосомадан тұратын жаңа жасуша түзіледі.

    Осылайша, толықтай 23 жұп хромосома жиынынан жаңа тіршілік басталады.

  • Ұқсас фильмдер
  • Ұқсас фильмдер