Тұтылу дегеніміз не?

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Күн мен Айдың тұтылуы адам баласын таң қалдыратын ғажайып құбылыс. Алайда олар қалай пайда болады?

    Маңызды деректер

    • Жер Күннен Айға келетін жарықты бөгегенде, Ай тұтылуы болады.
    • Күн тұтылуы Ай Күннен келетін жарыққа тосқауыл болғанда байқалады.
    • Күн тұтылуын қорғаныш көзілдірігінсіз бақылауға болмайды.
    • Ай мен Күннің тұтылуы, әдетте, 18 айда бір болады.
  • Транскрипт
  • Транскрипт

    Транскриптті жүктеу

    Күн Айға қарағанда бізден 400 есе алыс қашықтықта орналасқан әрі оның көлемі де Айдан 400 есе үлкен.

    Осы ерекше ғарыштық сәйкестікке байланысты екеуінің де өлшемдері аспанда бірдей болып көрінеді және осы себепті Ай мен Күннің тұтылуы болады.

    Айдың Жерді айналу орбитасы Жердің Күнді айналу орбитасына қарағанда сәл өзгеше жазықтықта орналасқан.

    Міне, сондықтан да тұтылулар біз ойлағандай көп бола бермейді.

    Жер Ай мен Күннің арасын кесіп, Күннен Айға түсетін сәулені көлегейлегенде, Ай тұтылады.

    Айдың тұтылуы ай толған кезінде ғана, яғни аспанда Ай Күнге қарама-қарсы келген кезде болады.

    Айдың тұтылу жиілігі құбылмалы, дегенмен ол шамамен 18 айда бір қайталанады және әдетте, бір сағат немесе одан көп уақытқа созылуы мүмкін.

    Ай тұтылуы: Жер Ай мен Күннің арасынан өтеді

    Ал Күн тұтылғанда, Ай Жерге түсетін Күн сәулесін көлегейлеп қалады.

    Күн тек Жаңа Ай туғанда ғана тұтылады. Оның да жиілігі құбылмалы, десек те, күннің толық тұтылуы шамамен 18 айда бір рет болады.

    Бұл құбылыс екі-жеті минутқа созылады.

    Күн тұтылуы: Ай Күн сәулесінің Жерге жетуіне бөгет болады

    Penumbra – жартылай көлегейленген Күн. Umbra– толықтай көлегейленген Күн

    Айдың тұтылуы Жердің кез келген түн болып жатқан аймағынан көрінеді, бірақ Күннің тұтылуы Жердің бір-ақ пайыз бөлігінен ғана көрінеді. Ол Ай көлеңкесінен түскен жіңішке тұтылу жолымен өтіп, көрінеді.

    Айдың тұтылуын көру көзге қауіпсіз, Күннің тұтылуы әлдеқайда әсерлі көрініс болса да, оны қорғаушы көзілдіріксіз көрмегеніңіз абзал.

    Бұл Айдың Күн бетінің батыс жағының кішкене бөлігін жабуынан басталады.

    Бұл алғашқы тоғысу ретінде белгілі

    Толық тұтылу фазасы жақындаған сайын жарқырап тұрған Күн лезде түнге айналады, бұл фаза кезінде Ай Күн бетін толық жабады.

    Толық тұтылу – Айдың Күнді толық жабуы

    Осы сәтте құстар шатасып, қонақтай бастаса, өсімдіктер түнгі ұйқыға дайындалып, жабылады.

    Соңғы күн сәулесі ғайып болғанда, біз тамаша гауһар сақиналы құбылысты байқаймыз. Бұл сақина Күннің Аймен ұштасқан тұстарында оның сиқырлы сыртқы атмосферасы болып табылатын керемет "Күн тәжі" көріне бастағанға дейін байқалады.

    Бірнеше минуттан кейін Күн қайта көріне бастайды да, тұтылу аяқталады.

  • Ұқсас фильмдер
  • Ұқсас фильмдер