+7 (727) 344 95 95
Қазақша

Иммундық қорғаныс: 1-бөлім

Сынып бөлмесінде көру

Тереңдетілген тест Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Сіздің денеңіз вирустар мен бактериялардың тұрақты шабуылдауында. Бірақ сізде бұл жат басқыншыларды өлтіретін иммундық жүйе деп аталатын күрделі қорғаныс жүйесі бар. Ол не және қалай жұмыс істейді?

    Маңызды деректер

    • Біздің денеміз әрқашан бактериялар мен вирустардың шабуылына ұшырап отырады.
    • Біздің иммундық жүйеміз қорғанысты күшейтіп, өзге ағзаларды іздеп, жоюмен айналысады.
    • Тері, шаш, өңез, жас сияқты физикалық тосқауылдар өзге ағзаларды кіргізбеуге тырысады.
    • Иммундық жүйенің негізгі бөліктеріне фагоциттер мен лимфоциттер деп аталатын ақ қан жасушалары жатады.
  • Транскрипт

  • Транскрипт

    Транскриптті жүктеу

    Біздің денеміз ұдайы шабуылға ұшырайды.

    Айналада бактериялар мен вирустар сияқты микроағзалар бар.

    Көзге көрінбейтін бұл патогендер адам ағзасына еніп, жасушаларымызды зақымдап, бізді ауруға шалдықтырады.

    Бірақ адам денесінде басқыншыларды іздеп тауып, оларды жоятын күрделі қорғаныс тетігі бар.

    Ол – біздің иммундық жүйеміз.

    Ол қорғаныс үш шептен тұрады.

    Біріншісі – физикалық кедергілер.

    Адам терісі, түктері, шырыш және көз жасымыз. Бұлардың барлығы бөгде нәрселердің ішке енуінен қорғайды.

    Физикалық кедергілер: Тері. Шаш. Шырыш. Көз жасы

    Қорғанудың екінші шебі - ашық жаралардың тез жазылу қасиеті.

    Қандағы тромбоциттер мен фибриндер жараның орнын бітеп, оның аузы қабыршақтанады.

    Жараның аузы қабыршақтанады: Тромбоциттер арқылы. Фибрин арқылы

    Қанның ақ түйіршіктері бактерияларды қармап, жояды.

    Қан құрамындағы мұндай ақ жасушалар "фагоциттер" деп аталады.

    Фагоциттер

    Олар бөгде жасушаларды іздеп тауып, жояды.

    Бірақ қандағы ақ жасушалардың тағы бір түрі қорғанудың әлдеқайда күрделі жолын біледі.

    Лимфоциттер

    Лимфоциттер қамтамасыз ететін қорғаныс үшінші шепке жатады.

    Лимфоциттер ерекше басқыншыларды жойып қана қоймай, оларды есте сақтау арқылы қайта шабуылдарға жойқын тойтарыс бере алады.

    "Фагоциттер" мен "лимфоциттер" деп аталатын қандағы ақ жасушалардың екі түрі иммундық жүйенің негізі болып табылады.

    Фагоциттер. Лимфоциттер

    Олар біздің ағзамызды инфекциялардан қорғайды.

  • Ұқсас фильмдер

  • Ұқсас фильмдер