+7 (727) 344 95 95
Қазақша

Қар қалай пайда болады?

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Боран айналаны қарға орайды. Жақынырақ қарасаңыз, әрбір қар бүршігінің нағыз көркемдігін көре аласыз. Қар бүршіктерінің түрлі пішіндері қалай түзіледі және неге олар әрдайым мүлтіксіз симметриялы болып келеді.

    Маңызды деректер

    • Бұлттардағы су буы температура Цельсий бағанасы бойынша нөл градус немесе одан төмен болғанда қар бүршігіне айналады.
    • Температура, ылғалдылық пен биіктік түзілетін қар бүршігінің формасына әсер етеді.
    • Қар бүршіктері су молекуласының мұздың ішінде орналасу ерекшеліктеріне байланысты симметриялы болады.
    • Пішіні әртүрлі қар ұлпалары бірінің үcтіне бірі жатқанда, олар орнықсыз қар қабатын түзіп, қар көшкініне әкелуі мүмкін.
  • Транскрипт

  • Транскрипт

    Транскриптті жүктеу

    Жер бетіне қар түссе, көз қуанып, көңіл сүйсінер сұлулықты көрeміз.

    Бірақ қардың нағыз кереметі – оның әрбір ұлпасының түзілуінде.

    Қар ұлпасы пішіні бойынша алуан түрлі және құрылымы жағынан өте күрделі болып келеді.

    Осы құрылымдардың судан қалай пайда болатындығына зер салайықшы.

    Бұлттардағы су буы қар ұлпасына айналуы үшін температура Цельсий бағанысы бойынша нөл градус немесе одан төмен болуы қажет.

    Қар ұлпасының пішіні бірқатар факторларға байланысты. Атап айтсақ, температура, ылғалдық пен биіктікке қарай, пішін де әртүрлі болады.

    Қар ұлпасы әдетте, алты бұрышты болып келгенімен, оның пішіні өте қарапайым немесе аса күрделі болып түрленуі ықтимал.

    Жалпы алғанда, температура төмендеген сайын, қар ұлпасының құрылымы күрделене түседі:

    Температура нөлден сәл ғана төмен болса, қар ұлпасының пішіні өте жіңішке инеге немесе өте шағын алты бұрышты табаққа ұқсайды.

    Ауа суыған сайын, қар ұлпасы табақшаларының көлемі ұлғайып, құрылымы күрделене береді.

    Температура тағы төмендесе, ұлпа табақшаларын айнала жіңішке инелер түзіліп, қар ұлпасының негізгі пішіні саналатын жұлдызды дендридтер пайда болады.

    Қар ұлпасына тән симметрия – мұздың ішінде бір-бірімен әлсіз сутек байланысын құрайтын су молекулаларының орналасу ерекшелігінің нәтижесі.

    Су молекулалары реттелген үш өлшемді тор құрап орналасу арқылы өте әдемі, ерекше симметриялы қар ұлпаларын құрайды.

    Бұл көз тартатын сұлулықтың қатерлі жағы да жоқ емес.

    Пішіні әр түрлі қар ұлпалары бірінің үcтіне бірі жатқанда, олар орнықсыз қар қабатын түзейді. Ондай қар қабатымен абай болмаса, қауіпті апат – қар көшкінін тудыру оңай.

    Мұның барлығы – қарапайым ғана су молекуласы құрылымының салдары.

  • Ұқсас фильмдер

  • Ұқсас фильмдер