Саналы адам
Сынып бөлмесінде көру
- Фильм жайлы ақпарат
-
Фильм жайлы ақпарат
Фильмнің қысқаша мазмұны
Африкада Саналы адам құрғақшылық пен жойылуға тап болса, Еуропада Неандертальдық адам жақсы бейімделді. Бірақ дамудың маңызды құралы – елестету – барлығын түгелімен өзгертті.
Маңызды деректер
- Гейдельберг адамы 140 000 жыл бұрын неандерталь адамы мен саналы адамға айналды.
- Неандерталь адамы Еуропаның солтүстігінде өмір сүріп, мұз дәуірін басынан өткізді.
- Саналы адам Африкада өмір сүрді, олар болашақтағы мүмкіндіктерді көре отырып, аптап ыстық, құрғақшылықты бастарынан өткізді.
- Саналы адам қазіргі заманғы адамға бастама болған түр болып табылады.
- Транскрипт
-
Транскрипт
Еуропа – 500 000 жыл бұрын
Осыдан жарты миллиондай жыл бұрын, басқалардан ілгері дамыған алғашқы адамдар Еуропаға жетті.
Мол қара күшке ие гейдельберг адамдары мықты аңшылар болатын.
Гейдельберг адамы
Олар еңбек құралдарын жетілдіріп, жақсы ұйымдасқан әулеттер болып өмір сүрді.
Алайда гейдельберг адамдарының бір үлкен кемшілігі бар еді.
Олар айналаға бейімделу қажеттігін ескермеді. Адамды адам еткен – оның қиялы мен тапқырлығы.
200 мың жылдан астам уақыт ішінде гейдельберг адамдары қоршаған ортаға бой үйрету ыңғайына қарай екі популяцияға бөлініп, нәтижесінде әртүрлі екі түр пайда болды.
Гейдельберг адамы: Неандертальдық адамға айналды. Саналы адамға айналды
Солтүстіктегі неандертальдықтар қара күші мен төзімділігінің арқасында солтүстік Еуропадағы мұз дәуірінен аман өтті.
Неандертальдық адам. Солтүстік Еуропа. 140 000 жыл бұрын
Олардың бойлары гейдельберг адамдарына қарағанда аласа, 1,5 метрге жуық қана болатын, қысқа аяқ қолдары дене жылуын ысырап қылмауға мүмкіндік беретін.
Неандертальдықтар өте күшті, әрі адам төзгісіз ауруға шыдамды болған.
Осыдан 140 мың жылдай бұрын, Африкада болған құрғақшылық кезінде алғашқы адамдардың бір бұтағы болған Хомо сапиенстер жойылып кетудің алдында тұрды.
Саналы адам. 140 000 жыл бұрын. Африка
Бірақ сол экстремалды орта адамдардың қиялын дамытуға ықпал етті.
Саналы адам болашағын болжап, жоспарлау керектігін түсінді.
Олар құрғақшылықтан дұрыс қорытынды шығарды. Аштықтың алдын алу үшін азық қорын жасап, суды сақтау амалдарын үйренді.
Осындай алдын-ала ойлау қабілеті оларды жойылып кетуден сақтады.
Саналы адам мен неандертальдықтардың бір-бірімен қосылғаны және қазіргі адам ДНҚ сының 1-ден 4%-ға дейінгі бөлігі неандертальдықтардан қалғаны жақында ғана анықталды.
Не де болса, ақыр соңында, жетіліп, бүгінгі адам дәрежесіне дейін көтерлігені – Африкадан шыққан саналы адамдардың шағын ғана тобы.
Ата бабаларымыздың миллиондаған жылдар бойғы алға ұмтылу, қоршаған ортаға бейімделу қабілеті бізге жол ашты.
- Ұқсас фильмдер
-
Ұқсас фильмдер
Ең алғашқы ата-бабаларымыз
Епті адам және Бойс парантробы
Еңбек етуші адам
Адам эволюциясы: Дәлелдер
Ежелгі адам және ауыл шаруашылығы
